پاۆلودارلىق وقۋشىلار بيزنەس جوبالارىن تانىستىردى

ميكروجاسىلداردى ءوسىرۋ جانە ساتۋ, زەرگەرلىك بۇيىمدار جاساۋ جوبالارى, قىزمەت كورسەتۋ, ءوندىرىس, ساۋدا, قوعامدىق تاماقتاندىرۋ جانە ويىن-ساۋىق سالالارىنداعى بيزنەس جوبالارى ۇلكەن قىزىعۋشىلىق تۋدىردى. وقۋشىلار «كادەسىي ساعاتتار جاساۋ», «2-5 جاس بالالارىنا ارنالعان دامىتۋشى ويىندار», ء«ۇي جاعدايىندا تابيعي شوپتەن ەمدىك سابىن دايىنداۋ», ءوز سۋرەتىڭىزبەن بۇيىمدار جاساۋ ءۇشىن «kirart» ينتەرنەت-دۇكەنىن اشۋ اتتى جوبالارىن ورتاعا سالدى. بايقاۋ مەكتەپ وقۋشىلارىنىڭ ءومىر ءسۇرۋ ساپاسىن دامىتۋعا باعىتتالعان الەۋمەتتىك ماڭىزى بار بيزنەس جوبالارىن انىقتاۋعا جانە ودان ءارى دامىتۋعا ىقپال ەتەدى.وبلىستىق كەزەڭنىڭ قورىتىندىسى بويىنشا «Bala business holiday» جاس كاسىپكەر مەكتەبىندە وقيتىن جاس كاسىپكەرلەر كومانداسى قۇرىلادى. قۇرىلعان كوماندا ءۇشىن وقىتۋ باعدارلاماسى دايىندالدى, وندا قاتىسۋشىلار بيزنەس-ترەنەرلەردەن, جاتتىقتىرۋشىلاردان ترەنينگتەر ءوتىپ, ءوڭىردىڭ جەتەكشى بيزنەسمەندەرىنەن قولداۋ الا الادى. ءوز Start-up-جوبالارىن جۇزەگە اسىرعان ستۋدەنتتەر تارتىلادى.

مەنىڭ جوبام «ميكروجاسىل وسىمدىكتەردى ءوسىرۋ» دەپ اتالادى. ءاربىر وسىمدىكتە كوپتەگەن دارۋمەندەر مەن پايدالى قاسيەتتەر بار. ول ءارتۇرلى اۋرۋلارمەن كۇرەسۋ ءۇشىن قولدانىلادى. مىسالى, شالعام اس قورىتۋ قابىلەتى ناشار ادامدار ءۇشىن پايدالى, ال شپينات حولەستەرين دەڭگەيىن تومەندەتەدى. ەگەر ءسىز وسكىندەرىندە قۇندى دارۋمەندەر بار بيداي, س ۇلى, ارپا وسىرەتىن بولساڭىز, گيدروپونيكالىق ادىسپەن ءۇي جانۋارلارىنا ازىقپەن قامتاماسىز ەتكەندە شىعىنى از بولادى, سونىمەن بىرگە ازىقتىق قۋاتتىلىق جاعىنان قۇندى بولادى, - دەيدى بولات مانسۇر, ەرتىس اۋدانى, ۇزىنسۋ جوم-ءنىڭ 7 سىنىپ وقۋشىسى.

جوبى ۇيىمداستىرۋشىسى, ادىسكەر - اكسانا فريكتىڭ ايتۋىنشا, باستى ماقسات – كاسىپكەرلىك ويلاۋدى مەكتەپ قابىرعاسىنان دامىتۋ.

مەكتەپ وقۋشىلارىنىڭ قىزىعۋشىلىعىن ارتتىرۋ ءۇشىن وقۋ ۇدەرىسىنە تاجىريبەسى مول كاسىپكەرلەردى تارتۋ قاجەت. ءبىزدىڭ جوبانىڭ جەڭىمپازدارى «كاسىپكەرلىك نەگىزدەرىن» وقىپ, بيزنەستى ۇيىمداستىرۋدى ۇيرەنەدى. وسى ءساتتى پايدالانىپ, كاسىپكەرلىكتىڭ قىر-سىرىنا قانىپ, جاڭا باستاعان كاسىپكەرگە قاجەت قاسيەتتەردى الۋعا مۇمكىندىك بار, - دەيدى ول.