جول ەرەجەسى وزگەردى: پوليتسيا باعدارشامنىڭ سارى تۇسىنە قاتىستى ەسكەرتۋ جاسادى

Polisia.kz سايتى جازعانداي, كوبىنەسە جول-كولىك وقيعالارى باعدارشامنىڭ سارى ءتۇسى جانىپ تۇرعان ساتتە ءوتۋ كەزىندە بولادى.

«بۇل رەتتە جۇرگىزۋشىلەرگە قازاقستان رەسپۋبليكاسى جول قوزعالىسى ەرەجەلەرىنىڭ 5-تاراۋىنىڭ 24-تارماعىنىڭ 3-تارماقشاسىنا سايكەس باعدارشامنىڭ سارى سيگنالى قوزعالىسقا تىيىم سالاتىنىن, ال جىپىلىقتاعان جاسىل شام جاقىن ارادا تىيىم سالۋ سيگنالى شىعاتىنىن ەسكەرتەدى», دەلىنگەن حابارلامادا.

مۇنداي زاڭبۇزۋشىلىقتاردى بەينەباقىلاۋ كامەرالارى اۆتوماتتى تۇردە تىركەيتىن بولادى.

«وسىعان بايلانىستى جۇرگىزۋشىلەردى جولدا ساق بولىپ, جول ەرەجەسىن ساقتاۋعا شاقىرامىز. ماسەلەن, سوڭعى ءبىر جىلدا 3 مىڭنان اسا وقيعا تىركەلدى. جول-كولىك وقيعالارى باعدارشامنىڭ تىيىم سالىنعان سيگنالىنا (قىزىل, سارى) ءوتۋى, ونىڭ ىشىندە سارى سيگنالىنا وتكەنى ءۇشىن بولعان. سونىڭ سالدارىنان 6 ادام قازا تاۋىپ, 246 ادام جاراقات العان. جىل باسىنان بەرى 400-گە جۋىق جول اپاتى تىركەلدى», دەلىنگەن حابارلامادا.