بەلگىلەنگەن كۇن سوت كەڭسەسىنىڭ سايتىندا جاريالانعان اقپاراتتان بەلگىلى بولدى. وعان سايكەس, العاشقى سوت تىڭداۋى دۇيسەنبى, 2024 جىلدىڭ 11 ناۋرىزىندا وتەدى.
فوتو: office.sud.kz
ەسكە سالا كەتسەك, وتكەن جىلدىڭ 9 قاراشاسىندا بۇرىنعى ۇلتتىق ەكونوميكا ءمينيسترى قۋاندىق بيشىمباەۆ ايەلىن ءولتىردى دەگەن كۇدىكپەن ۇستالدى. قايعىلى وقيعا ەلورداداعى «باۋ» مەيرامحاناسىندا بولعان.
2024 جىلدىڭ 8 قاڭتارىندا اتالعان ءىسى بويىنشا تەرگەۋ اياقتالعانى بەلگىلى بولدى. كوپ ۇزاماي, 11 قاڭتاردا استانالىق سوت ونىڭ قاماۋعا الۋ مەرزىمى 9 ناۋرىزعا دەيىن ۇزارتىلعانىن جاريا ەتتى.
قازاقستان رەسپۋبليكاسىنىڭ ىشكى ىستەر مينيسترلىگى كۇدىكتى قۋاندىق بيشىمباەۆقا «اسا قاتىگەزدىكپەن كىسى ءولتىرۋ» بابىمەن قوسا, «ازاپتاۋ» بابى بويىنشا دا ايىپ تاعىلعانىن حابارلادى.
جۋىردا, 2024 جىلدىڭ 26 اقپانىندا بيشىمباەۆتىڭ ءىسى سوتقا جىبەرىلدى.