بيىل اقىن, جازۋشى, مەملەكەت جانە قوعام قايرەتكەرى ساكەن سەيفۋلليننىڭ 130 جىلدىق مەرەيتويى. وسى جىلدارعا دەيىن مۋزەي قورىندا ساكەننىڭ ەڭبەكتەرىنەن بولەك, جەكە قولدانىلعان زاتتارى دا ساقتالعان. سونىڭ ءبىرى – التىنمەن اپتالعان باعالى قالتا ساعاتى.
1936 جىلى قازاقستان جازۋشىلار وداعىندا ساكەن سەيفۋلليننىڭ ادەبي جانە كوعامدىق قىزمەتىنە 20 جىل تولۋىنا وراي سالتاناتتى كەش ءوتىپ, اتالعان جيىندا وكىمەت ارداقتى ازاماتتى ەڭبەك قىزىل تۋ وردەنىمەن ماراپاتتاپ, التىنمەن اپتالعان قالتا ساعات سىيلايدى. اقىن ومىردەن وزعاننان كەيىن جارى گۇلباھرام ونىڭ جەكە زاتتارىن مۇقيات ساقتاعان. قازىرگى تاڭدا ساعات ەلورداداعى اقىن مۋزەيىندە ساقتاۋلى تۇر. باعالى التىن جادىگەردىڭ سالماعى – 100 گر. قالتا ساعاتىنىڭ ءبىر ەرەكشەلىگى – قايراتكەردىڭ ەسىمى ۇستىڭگى جاعىنا بەدەرلەنىپ جازىلعان.
قۇندى جادىگەر قازىرگى «H.Moser & Cie» شۆەيتساريالىق برەندىنە تيەسىلى. جىلىنا كومپانيا بار بولعانى 1 200 ساعات شىعارادى. بۇل برەند ساعاتتارىنىڭ قۇندىلىعى ارتا بەرەتىنىن كورسەتەدى.
نۇراي اسىلبەك,
Astana IT ۋنيۆەرسيتەتىنىڭ ستۋدەنتى