الماتى وبلىسى توتەنشە جاعدايلار دەپارتامەنتى ەڭبەكشىقازاق اۋدانىنىڭ قاراتۇرىق اۋىلىندا ءۇش ادام ىستان ۋلانىپ اۋرۋحاناعا تۇسكەنىن حابارلادى دەپ جازادى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«مىڭباەۆ كوشەسى بويىندا جەكە تۇرعىن ۇيدە قاتتى وتىنمەن پەشتى پايدالانۋ ەرەجەلەرىن بۇزعاندىقتان (پەشتىڭ اقاۋى) كومىرتەگى توتىعىمەن ۋلانىپ, اۋرۋحاناعا جاتقىزىلعاندىعى تۋرالى حابارلاما كەلىپ ءتۇستى.
ءۇي يەسى 1974 جىلى تۋعان (جاعدايى اۋىر) جانە ونىڭ 2009 جانە 2010 جىلى تۋعان قىزدارى كومىرتەگى توتىعىمەن ۋلانعان (ەكەۋىندە دە ورتاشا اۋىرلىق دارەجەسى بار).
وقيعا ورنىنا الماتى وبلىسى تج دەپارتامەنتىنىڭ قىزمەتكەرلەرى مەن تەحنيكتەرى باردى» , دەلىنگەن اقپاراتتا.
وبلىستىق توتەنشە جاعدايلار دەپارتامەنتى ماماندارى تۇرعىندارعا قاتتى وتىنمەن جاعىلاتىن پەشتى پايدالانۋ ماۋسىمىندا قاۋىپسىزدىك ەرەجەسىن قاتاڭ ساقتاۋعا ۇندەدى.