ب.ريموۆا اتىنداعى تالدىقورعان دراما تەاترىنىڭ كەزەكتى پرەمەراسى كورەرمەنگە جول تارتپاق. 22-23 اقپان كۇندەرى جاس دراماتۋرگ جانىبەك الىكەننىڭ «كۇيەۋ بالا» شىعارماسىنىڭ جەلىسى بويىنشا ساحنالانعان «قازاقتىڭ تويى بىتپەسىن» دراماسى تەاترسۇيەر قاۋىمعا ۇسىنىلادى.
بۇگىندە قازاق قىزىنىڭ شەتeلدىك ازاماتقا تۇرمىسقا شىعۋى وزەكتى ماسەلەنىڭ ءبىرى. الەۋمەتتىك جەلىلەردەن اپكe-سىڭلىلەرىمىزدىڭ قارا ءناسىلدى جىگىتپەن نەمەسە وزگە ۇلتتان شىققان ازاماتپەن وتاۋ قۇرعانىن ءجيى كورەمىز. وسى ارالاس نeكە ماسەلەسى قويىلىمعا ارقاۋ بولعان. قازاقتا «قىزدىڭ ارى – ەلدىڭ ارى» دەپ بەكەر ايتپاسا كەرەك. سپەكتاكلدە مۇنداي جاڭاشىلدىققا اۋىل ازاماتتارىنىڭ قارسىلىعى كورسەتىلەدى.
اۆتور ارالاس نەكە ماسەلەسىمەن قوسا, اكتۋالدى ءبىراز تاقىرىپتاردى كوتەرەدى. ماسەلەن, وسكەلەڭ ۇرپاق تاربيەسى, ۇلتتىق قۇندىلىقتار, اۋىلدىڭ ازىپ-توزۋى, ءتىپتى ەكونوميكالىق ماسەلەلەر دە قالىس قالماعان.
جاقىنىن جاتقا قيماعان قازاقتىڭ بۇگىنگى تاربيەسىمەن, ماحابباتىن وزگە ۇلتتان ىزدەگەن قازاق قىزىنىڭ تاڭداۋى قازىرگى قوعامنىڭ شىنايى بەينەسى. قاراكوز قىزدارىمىز بەن جىگىتتەرىمىز وسى قويىلىمنان وي ءتۇيىپ, كوتەرىلگەن بارشا ماسەلەلەردى شەشۋگە اتسالىسارى ءسوزسىز.
«اقپان-ناۋرىز ايلارىندا قاتارىنان 3 قويىلىمدى كورەرمەنگە ۇسىنۋ جوسپارلاندى. ونىڭ ءبىرى «تاپتىم-اۋ سەنى» يممەرسيۆتى قويىلىمى, «قازاقتىڭ تويى بىتپەسىن» جانە «كەزدەسۋ مەن قوشتاسۋ» سپەكتاكلدەرى. جاس دراماتۋرگتىڭ قىلقالامىنان تۋعان تۋىندى «كۇيەۋ بالا» دەپ اتالادى. بىراق مەن ونىڭ اتىن وزگەرتىپ «قازاقتىڭ تويى بىتپەسىن» دەپ قويدىم. «قازاقتىڭ تويى بىتپەسىن» دەگەن ءسوزدىڭ استارىندا قوي ۇستىنە بوزتورعاي جۇمىرتقالاعان زاماندا, جاڭا قازاقستانداعى بىرلىك تويى, ار-نامىستىڭ قازاق دالاسىنا تۋ تىككەن تويى بىتپەسىن دەگەن ماعىنا جاتىر. قويىلىمنىڭ ايتاتىن ويى استارلى, كوپتەگەن اكتۋالدى تاقىرىپتار قوزعالادى. بۇل تۋىندى ادامنىڭ ويىن ءدۇر سىلكىندىرەتىن قازاق حالقىنىڭ ويلاندىرۋ مەن رۋحىن كوتەرۋگە, بىرلىككە شاقىراتىن تۋىندى بولار دەپ ويلايمىن. قازىرگى ۋاقىتتا العا قويعان جوسپارلار وتە كوپ. تامىز, قىركۇيەك ايلارىنان باستاپ حالىقارالىق, الەمدىك دەڭگەيدەگى رەجيسسيورلەرمەن جۇمىس ىستەۋگە كەلىسسوز ءجۇرىپ جاتىر. اتاپ ايتساق, لوندوننان وۆلياكۋلي حودجاكۋلي, گرۋزيا ەلىنەن داۆيد مگەبراشۆيلي دەگەن رەجيسسيور مەن تامارا وحيكيان ستسەوگرافپەن جۇمىس ىستەۋ جوسپاردا تۇر», دەيدى تەاتردىڭ كوركەمدىك جەتەكشىسى دانيار بازارقۇلوۆ.
اتالعان قويىلىم ونەر ۇجىمى ۇسىنعان 2-ءشى پرەمەرا. بۇعان دەيىن رەجيسسيور رامازان ۇسەننىڭ «تاپتىم-اۋ سەنى» قويىلىمى كورەرمەننىڭ كوڭىلىنەن شىققان ەدى.