ءۇلبى وزەنىنىڭ لاستانۋىنا بايلانىستى تەرگەۋ ءىسى اياقتالدى. تەكسەرۋ ناتيجەسىندە «قازتسينك» جشس ريددەر تاۋ-كەن بايىتۋ كەشەنىنە 50 ملن تەڭگە ايىپپۇل سالىندى, دەپ جازادى Egemen.kz.
شىعىس قازاقستان وبلىسىنداعى ءۇلبى وزەنىنەن الىنعان سۋ سىناماسىندا مارگانەتس كورسەتكىشى 4,5 ەسە ارتىق بولعانى انىقتالدى.
«ايماقتا تاۋ-كەن ءوندىرىسىن جۇرگىزەتىن كومپانيا تازارتۋ جۇمىستارىن ءتيىمدى جۇرگىزبەۋ سەبەبىنەن ءۇلبى وزەنىنە كوپتەگەن وندىرىستىك قالدىق-اعىندار جىبەرىلگەن. اتالعان فاكت نەگىزىندە «قازتسينك» جشس-نە جوسپاردان تىس تەكسەرۋ جۇرگىزىلدى. دالەلدى, قورىتىندىلار نەگىزىندە «قازتسينك» جشس-نە 50 ملن تەڭگە كولەمىندە اكىمشىلىك ايىپپۇل سالىندى, سونداي-اق بۇزۋشىلىقتاردى جويۋ تۋرالى نۇسقاما بەرىلدى», دەلىنگەن ەكولوگيا جانە تابيعي رەسۋرستار مينيسترلىگىنىڭ ەكولوگيالىق رەتتەۋ جانە باقىلاۋ كوميتەتىنىڭ حابارلاماسىندا.