اباي وبلىسىندا بيىكتىگى 80 سم-گە جەتەتىندەي قالىڭ قار جاۋىپ, وبلىستىڭ ءبىر وڭىرىندە تابيعي توتەنشە جاعداي رەجيمى ەنگىزىلدى. رەسپۋبليكالىق ماڭىزى بار جولداردا قوزعالىس شەكتەلدى, دەپ حابارلايدى Egemen.kz.
توتەنشە جاعدايلار مينيسترلىگى وڭىردەگى قۇتقارۋ جۇمىستارىنىڭ بارىسى تۋرالى حابارلادى.
«قالباتاۋ-مايقاپشاعاي» تاسجولىنىڭ 970-995-شاقىرىمىندا اباي اۋدانىنىڭ جول قىزمەتكەرلەرى مەن توتەنشە جاعدايلار دەپارتامەنتىنىڭ كۇشىمەن 385 ادام ەۆاكۋاتسيالاندى. تيىمدىلىك ءۇشىن اۋە قاتىناسى دا تارتىلدى.
قالباتاۋدان كوكپەكتىگە دەيىن جول اشىق. جولدى كەڭەيتۋ جۇمىستارى جۇرگىزىلىپ جاتىر.
بۇل اۋماققا بارلىعى 14 بىرلىك جول تەحنيكاسى جۇمىلدىرىلدى. قاۋىپسىز ءوتۋدى جىلدام قامتاماسىز ەتۋ ءۇشىن قوسىمشا قار تازالاۋ تەحنيكاسى مەن جەكە قۇرام تارتىلدى.