اۋا رايىنىڭ قولايسىزدىعىنا بايلانىستى اباي وبلىسىنىڭ كوكپەكتى اۋدانىندا جولدار جابىلىپ, كولىك قوزعالىسىنا شەكتەۋ ەنگىزىلگەن ەدى. وسىعان بايلانىستى 100-دەن استام كولىك كەپتەلىستە تۇرىپ قالدى, دەپ حابارلايدى Egemen.kz قر توتەنشە جاعدايلار مينيسترلىگىنە سىلتەمە جاساپ.
جولدا قالعان اۆتوكولىكتەردىڭ جالپى سانى 100 جەڭىل, 15 جۇك جانە 1 اۆتوبۋس.
قازىرگى ۋاقىتتا بۇل كولىكتەر باعاندا, قاردىڭ وتۋىنە جانە نولدىك كورىنۋىنە بايلانىستى قوزعالىستى جالعاستىرا الماي تۇر.
كەپتەلىس ورنىنا وبلىستىڭ تجد كۇشتەرى مەن قۇرالدارى جىبەرىلدى.
ء«وڭىر قۇتقارۋشىلارى كوكپەكتى اۋىلىنا 7 ادامدى ەۆاكۋاتسيالادى. مەديتسينالىق كومەككە جۇگىنگەندەر بولعان جوق. سەمەي قالاسىنان 25 ادام مەن وتىمدىلىگى جوعارى تەحنيكادان تۇراتىن قوسىمشا كۇشتەر مەن قۇرالدار جىبەرىلدى», دەلىنگەن مينيسترلىك حابارلاماسىندا.