تۋريزم جانە سپورت مينيسترلىگىنىڭ كەڭەيتىلگەن القا وتىرىسىندا كۇزدە وتەتىن دۇنيەجۇزىلىك كوشپەندىلەر ويىنىنا دايىندىق بارىسى تۋرالى ايتىلدى, دەپ جازادى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
8-14 قىركۇيەك ارالىعىندا وتەتىن ء دۇبىرلى دوداعا ازىرلىك جايىندا «دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ جونىندەگى ديرەكتسيا» جەتەكشىسىنىڭ ورىنباسارى ابىلاي قوندىباەۆ باياندادى.
«اشىلۋ سالتاناتى «استانا ارەنا» ستاديونىندا وتسە, كۇرەس تۇرلەرىنەن دودا جاقسىلىق ۇشكەمپىروۆ اتىنداعى جەكپە-جەك سارايىندا», «الاۋ» مۇز سارايىندا حالىق ويىندارى مەن جەكپە-جەك تۇرلەرىنەن دودا بولادى. ««Qazaqstan» جەڭىل اتلەتيكا كەشەنىندە اكرەديتتەۋ مەن جابدىقتاۋ شتابى ورنالاسادى. «دۋمان» كونفەرەنتس زالىندا ءداستۇرلى زياتكەرلىك ويىندار ۇيىمداستىرىلسا, «قازانات» اتشابارىندا ات سپورتى جانە كورنەكى جارىستار وتەدى», دەدى ا.قوندىباەۆ.