مەملەكەت باسشىسى قاسىم-جومارت توقاەۆ Al Faisal Holding كومپانياسى ديرەكتورلار كەڭەسىنىڭ توراعاسى فەيسال بەن قاسىم ءال ءتانيدى قابىلدادى. بۇل تۋرالى اقوردا ءباسپاسوز قىزمەتى حابارلادى, دەپ جازادى Egemen.kz.
قازاقستان پرەزيدەنتى دوحاعا مەملەكەتتىك ساپارىنىڭ اياسىندا قاتاردىڭ ءىرى بيزنەس قۇرىلىمدارىنىڭ باسشىلارىمەن بىرقاتار كەزدەسۋ وتكىزدى.
Al Faisal Holding كومپانياسى ديرەكتورلار كەڭەسىنىڭ توراعاسى, قاتار كاسىپكەرلەرى قاۋىمداستىعىنىڭ توراعاسى, قازاقستانمەن ىسكەرلىك ىنتىماقتاستىقتى ۇيلەستىرۋشى فەيسال بەن قاسىم ءال تانيمەن اڭگىمەلەسۋ بارىسىندا ەكىجاقتى ەكونوميكالىق جانە ينۆەستيتسيالىق ىقپالداستىقتى نىعايتۋ ماسەلەلەرى تالقىلاندى.
قاسىم-جومارت توقاەۆ Al Faisal كومپانياسىمەن اراداعى ءوزارا ءتيىمدى سەرىكتەستىك قاتار بيزنەسىنىڭ قازاقستانداعى ۇلەسىن ارتتىرۋعا جول اشاتىنىن اتاپ ءوتتى. ونىڭ پىكىرىنشە, بىرلەسكەن جۇمىستار جاڭا يننوۆاتسيالىق-ينۆەستيتسيالىق جوبالاردى جۇزەگە اسىرۋعا مۇمكىندىك بەرەدى.
كەزدەسۋ بارىسىندا قۇرىلىس, تۋريزم جانە قوناق ءۇي بيزنەسى سالالارىنداعى ىنتىماقتاستىق, سونداي-اق ءبىلىم بەرۋ باعىتى بويىنشا بىرلەسكەن جوبالاردى جۇزەگە اسىرۋ ماسەلەلەرى تالقىلاندى.
Al Faisal حولدينگىنە استانادا قازاقستان مەن قاتار اراسىنداعى دوستىق قارىم-قاتىناستىڭ سيمۆولىنا اينالاتىن ايتۋلى عيمارات سالۋ پەرسپەكتيۆاسىن قاراستىرۋ ۇسىنىلدى.