ح MMA TIME ارالاس جەكپە-جەك تۋرالى فرانتسۋز تىلىندە اقپارات تاراتاتىن پاراقشا قازاق فايتەرى شاۆكات راحمونوۆ تيتۋلدىق جەكپە-جەككە قاشان شىعۋى مۇمكىن ەكەنىن ايتتى, دەپ جازادى Egemen.kz sports.kz-كە سىلتەمە جاساپ.
ح MMA TIME جارتىلاي ورتا سالماقتاعى UFC بەلبەۋىنە تالاسۋعا امەريكالىق بەلال مۇحاممادتىڭ مۇمكىندىگى جوعارى دەپ باعالادى. سايكەسىنشە قازىرگى تيتۋل يەسى لەون ەدۆاردس ءوز اتاعىن بەلال مۇحاممادپەن جەكپە-جەكتە قورعاۋى مۇمكىن. كوپشىلىك وسى سالماقتاعى تيتۋل تاعدىرى UFC 300 تۋرنيرىندە شەشىلۋى مۇمكىن ەكەنىنە سەنىم بىلدىرەدى. ح MMA TIME پىكىرىنشە, شاۆكات راحمونوۆ ەكەۋىنىڭ اراسىندا جەڭىمپاز اتانعان سپورتشىمەن جەكپە-جەك وتكىزۋگە لايىق.
ال جارتىلاي ورتا سالماقتا رەيتينگتە اتالعان ەكى فايتەردەن كەيىن تۇرعان وتانداسىمىز بەلبەۋگە كۇرەسۋ ءۇشىن تاعى ءبىر ارالىق جەكپە-جەك وتكىزۋىنە تۋرا كەلۋى ابدەن مۇمكىن.
«بەلال چەمپيوندىق اتاققا يە بولۋ مۇمكىندىگىنە ابدەن لايىق, ال شاۆكات ودان كەيىنگى كەزەكتە تۇر. چەمپيوندىققا تالاسۋ ءۇشىن شاۆكات تاعى دا جەڭىسكە جەتۋى كەرەك. ودان رەيتينگتە جوعارى تۇرعان بەلال مۇحامماد پەن كامارۋ ۋسمان ونىمەن جۇدىرىقتاسۋدى قالامايدى. بىراق ول كولبي كوۆينگتوندى تاڭداي الادى. كولبي دا شاۆكاتپەن الاڭعا شىعۋدى قالامايتىن شىعار», دەپ جازدى اقپاراتتىق رەسۋرس.