شىعىس قازاقستان وبلىسىنا قاراستى ۇلان اۋدانى بوزانباي اۋىلىندا وتكەن قۇسبەگىلىكتەن ەرەسەكتەر اراسىنداعى XVII قر چەمپيوناتىندا جەڭىمپازدار انىقتالدى, دەپ حابارلايدى Egemen.kz.
اتالعان ەل بىرىنشىلىگى بۇركىت, قارشىعا, يتەلگى قۇسبەگىلەرى اراسىندا ءوتتى جەڭىمپازدار ءتىزىمىن قۇسبەگىلىك فەدەراتسياسى Facebook پاراقشاسىندا جاريالادى.
بۇركىتشىلەردەن 1 ورىندى اتىراۋ تۇرعىنى سارمات ابدۋلكارىم ۇلى جەڭىپ السا, 2 ورىندى الماتىلىق سەيىتجان ايان ەنشىلەپ, 3 ورىنعا تاعى ءبىر اتىراۋلىق ارمان كۋشكاروۆ يە بولدى.
قارشىعاشىلار سايىسىندا باس جۇلدەنى تۇركىستاندىق يبراگيم بازارباەۆ, 2-3 ورىنداردى الماتى وبلىسىنىڭ قۇسبەگىلەرى مۇرات كودەكوۆ پەن ساعىنىش بايەتباي قانجىعاسىنا بوكتەردى.
يتەلگىشىلەردەن قاراعاندىلىق تاڭات وسپانقۇلوۆ باس جۇلدە الدى. 2 ورىندى پاۆلودارلىق ەرمەك يمانزايىپ يەلەندى. ال 3 ورىندى تۇركىستان تۇرعىنى داۋرەن ارشاباي جانە قاراعاندىدىق تەمىرالى تولەگەن ۇلى ءوزارا ءبولىستى.
ەل بىرىنشىلىگىنە 12 وبلىستان 59 بۇركىت, 14 قارشىعا, 21 يتەلگى اكەلىنىپ, تىركەۋدەن 61 بۇركىت, 21 قارشىعا, 14 يتەلگى ءوتتى. 10 وبلىس پەن 2 قالادان 100-گە جۋىق قۇسبەگىنىڭ قاتىسۋىمەن وتكەن اتالعان چەمپيوناتتا جەڭىمپازدار ارنايى كۋبوك, ديپلوم, مەدال جانە قارجىلاي سىيلىقتارمەن ماراپاتتالدى.
ايتا كەتسەك, ۇلتتىق سپورتتىڭ بۇل ءتۇرى الداعى قىركۇيەكتە استانادا وتەتىن 5-ءشى دۇنيەجۇزىلىك كوشپەندىلەر ويىنىنىڭ سپورت باعدارلاماسىنا ەنگەن.