ەلدىڭ 14 وڭىرىندە قولايسىز اۋا رايىنا بايلانىستى ەسكەرتۋ جاسالدى. بولجامعا سايكەس, بۇگىن قازاقستاننىڭ باسىم بولىگىندە بۇرقاسىن, تۇمان جانە كوكتايعاق كۇتىلەدى, دەپ حابارلايدى Egemen.kz.
قاراعاندى وبلىسىنىڭ باتىسىندا, سولتۇستىگىندە بۇرقاسىن, كۇندىز وبلىستىڭ باسىم بولىگىندە بۇرقاسىن, كوكتايعاق بولادى. وڭتۇستىك-شىعىستان سوعاتىن جەل وڭتۇستىك-باتىسقا اۋىسادى, ەكپىنى 15-20 م/س, وبلىستىڭ باتىسىندا, سولتۇستىگىندە كەي ۋاقىتتا 23-28 م/س بولادى.
قىزىلوردا وبلىسىندا قار ارالاس جاڭبىر جاۋادى. وبلىستىڭ سولتۇستىگىندە, ورتالىعىندا كوكتايعاق, بۇرقاسىن بولادى. جەل وڭتۇستىك-باتىستان سوعىپ, كۇشى 15-20, وبلىستىڭ ورتالىعىندا ەكپىنى سەكۋندىنا 23-28 مەترگە جەتەدى.
اتىراۋ وبلىسىنىڭ وڭتۇستىگىندە, شىعىسىندا جاياۋ بۇرقاسىن, تۇمان, كوكتايعاق بولادى دەپ بولجانىپ وتىر. باتىستان جەل سوعادى, تۇندە ەكپىنى سەكۋندىنا 18-23 مەترگە, كۇندىز وبلىستىڭ وڭتۇستىگىندە, شىعىسىندا سەكۋندىنا 15-20 مەترگە دەيىن جەتەدى.
بولجام بويىنشا, ۇلىتاۋ وبلىسىنىڭ باسىم بولىگىندە بۇرقاسىن, كوكتايعاق كۇتىلەدى. وڭتۇستىك-شىعىستان سوعاتىن جەل وڭتۇستىك-باتىسقا اۋىسادى, ەكپىنى 15-20 م/س, وبلىستىڭ سولتۇستىگىندە, شىعىسىندا كەي ۋاقىتتا 23-28 م/س بولادى.
تۇركىستان وبلىسىنىڭ تاۋلى جانە تاۋ بوكتەرلى اۋداندارىندا جاڭبىر مەن قار تۇرىندەگى جاۋىن-شاشىن تۇسەدى. وبلىستىڭ سولتۇستىگىندە, تاۋلى اۋداندارىندا كوكتايعاق, جاياۋ بۇرقاسىن بولادى.
شىمكەنتتە دە تاڭەرتەڭ جانە كۇندىز قار ارالاس جاڭبىر جاۋادى. وڭتۇستىك-باتىستان, باتىستان سوعاتىن جەلدىڭ ەكپىنى 15-20 م/س, تاڭەرتەڭ جانە كۇندىز 25 م/س دەيىن جەتەدى..
باتىس قازاقستان وبلىسىنىڭ شىعىسىندا قار جاۋىپ, وبلىستىڭ سولتۇستىگىندە, شىعىسىندا كوكتايعاق بولادى. وبلىستىڭ سولتۇستىك-شىعىسىندا بۇرقاسىن بولادى دەپ بولجانىپ وتىر. جەل وڭتۇستىك-باتىستان, باتىستان سوعادى, تۇندە ەكپىنى 15-20 م/س بولادى.
استانادا تاڭەرتەڭ جانە كۇندىز بۇرقاسىن, كوكتايعاق بولادى. وڭتۇستىك-شىعىستان سوعاتىن جەل وڭتۇستىك-باتىسقا اۋىسىپ, ەكپىنى سەكۋندىنا 15-20 مەترگە, كەي ۋاقىتتا سەكۋندىنا 23-28 مەترگە جەتەدى.
شىعىس قازاقستان وبلىسىنىڭ باتىسىندا, وڭتۇستىك-شىعىسىندا جانە ورتالىعىندا جەل سوعىپ, ەكپىنى 15-20 م/س بولادى.
اباي وبلىسىنىڭ سولتۇستىگىندە, وڭتۇستىگىندە, ورتالىعىندا جەل وڭتۇستىك-شىعىستان سوعادى, كۇندىز ەكپىنى - 23-28 م/س دەيىن جەتەدى.
جەتىسۋ وبلىسىنىڭ سولتۇستىگىندە, شىعىسىندا وڭتۇستىك-باتىستان جەل سوعادى, ەكپىنى 15-20 م/س, الاكول كولدەرى اۋدانىندا كەي ۋاقىتتاردا 23-28 م/س بولادى.
مامانداردىڭ ايتۋىنشا, ماڭعىستاۋ وبلىسىنىڭ سولتۇستىگىندە كوكتايعاق بولادى. باتىستان جەل سوعادى, وبلىستىڭ باتىسىندا, سولتۇستىگىندە, شىعىسىندا ەكپىنى 15-20 م/س, كەي ۋاقىتتاردا 23 م/س بولادى.
ال پاۆلودار وبلىسىنىڭ باتىسىندا, وڭتۇستىگىندە بۇرقاسىن كۇتىلەدى. وڭتۇستىك-باتىستان جەل سوعادى, كۇندىز وبلىستىڭ باتىسىندا, وڭتۇستىگىندە ەكپىنى 15-20 م/س دەيىن جەتەدى.
جامبىل وبلىسىنىڭ باتىسىندا, وڭتۇستىگىندە, تاۋلى اۋداندارىندا كوكتايعاق بولادى. وبلىستىڭ تاۋلى اۋداندارىندا جاياۋ بۇرقاسىن كۇتىلەدى.