مەملەكەت باسشىسىنىڭ جارلىعىمەن ولجاس بەكتەنوۆ ەلىمىزدىڭ پرەمەر-ءمينيسترى بولىپ تاعايىندالدى.
ولجاس اباي ۇلى – ەلدىك مۇددە جولىندا جاۋاپتى لاۋازىمداردى ابىرويمەن اتقارىپ كەلە جاتقان تاجىريبەلى مەملەكەتتىك قىزمەتشى. سوندىقتان ول جاڭا قىزمەتتە وزىنە جۇكتەلگەن ماڭىزدى مىندەتتەردى مۇلتىكسىز ورىندايدى دەپ سەنەمىز جانە سوعان تىلەكتەستىگىمىزدى بىلدىرەمىز.
پرەزيدەنتىمىز قاسىم-جومارت توقاەۆ اتاپ وتكەندەي, قازىرگى تاڭدا ەل ەكونوميكاسىنىڭ الدىندا ايقىن ماقساتتار تۇر. بۇل باعىتتاعى باستامالاردى جۇزەگە اسىرۋ ءۇشىن باتىل شەشىمدەر مەن ناقتى ىستەر قاجەت ەكەنى دە ايتىلدى. وسى رەتتە پارلامەنت سەناتى مەملەكەت باسشىسىنىڭ تاپسىرمالارىن ساپالى ءارى ۋاقتىلى ورىنداۋ ءۇشىن ۇكىمەتپەن ءاردايىم قويان-قولتىق جۇمىس ىستەۋگە دايىن ەكەنىن اتاپ وتكىم كەلەدى.
ولجاس اباي ۇلىن جاڭا قىزمەتىمەن قۇتتىقتاي وتىرىپ, الداعى جۇمىسىنا ساتتىلىك جانە تولايىم تابىس تىلەيمىن!
ماۋلەن اشىمباەۆ,
سەنات توراعاسى