Qostanai ءىت Hub – مەملەكەت باسشىسىنىڭ جولداۋىن جۇزەگە اسىرۋ اياسىندا اشىلعان ەل استاناسىنداعى Astana Hub تەحنوپاركىنىڭ وكىلدىگى. مۇندا IT ورتالىق, زەرتحانالىق كەشەن, كونفەرەنتس-زال, كوۆوركينگ جانە ويىن الاڭدارى, تاعى باسقا دا سالالىق سەكتورلار بار.
Qostanai ءىت Hub-تا ستارتاپ-جوبالار مەن IT-كومپانيالارعا ارنالعان ءبىلىم بەرۋ باعدارلامالارى, سونداي-اق ءتۇرلى ينكۋباتسيالىق باعدارلامالار, حاكاتوندار مەن وزگە دە جاڭاشىل تەحنولوگيالىق ىزدەنىستەرگە ءىز اشاتىن ءىس-شارالار جۇزەگە اسىرىلادى.
جۋىردا ۇكىمەت باسشىلىعىنىڭ وڭىرگە جۇمىس ساپارى كەزىندە ا.بايتۇرسىن ۇلى اتىنداعى قوستاناي وڭىرلىك ۋنيۆەرسيتەتى جانىنداعى Qostanai ءىت Hub ورتالىعىنا ءوڭىردىڭ شىعارماشىل جاستارى ءجيى كەلەدى. جالپى, رەسپۋبليكادا تسيفرلىق ينفراقۇرىلىمدى دامىتۋ بويىنشا بەلسەندى جۇمىس جالعاسىپ جاتىر. ماسەلەن, كەيىنگى 1,5 جىل ىشىندە 12 وڭىرلىك IT-حاب اشىلعان. بيىل تاعى 7-ەۋىن ىسكە قوسۋ جوسپارلانىپ وتىر.
– بىزدە دارىندى جاستار جەتەرلىك. مۇنداي IT حابتار تالانتتى جاستارىمىز ءۇشىن تارتىمدى ورتالىققا اينالماق. مۇندا يننوۆاتسيالىق تەحنولوگيالار سالاسىندا ءوزىن-ءوزى جەتىلدىرۋگە جانە ءبىلىم الۋعا جاعداي جاسالعان. ناتيجەسىندە, جاڭا ازىرلەمەلەر مەن ءتيىمدى جوبالار پايدا بولادى. مۇنداي مۇمكىندىكتەر مەن قولداۋ شارالارى بارلىق وڭىردەگى جاستاردا بولۋى ماڭىزدى, – دەگەن ەدى بۇرىنعى پرەمەر-مينيستر.
قوستاناي وبلىسى