الماتىدا ارحيۆ قىزمەتكەرلەرىنە ارنالعان «ارحيۆ قورلارىن جيناقتاۋ جانە مەملەكەتتىك ەسەپكە الۋدى جۇرگىزۋ» تاقىرىبىندا وڭىرلىك سەمينار ءوتتى, دەپ جازادى Egemen.kz مادەنيەت جانە اقپارات مينيسترلىگىنىڭ ءباسپاسوز قىزمەتىنە سىلتەمە جاساپ.
سەمينار بارىسىندا ارحيۆ قورلارىن ساپالى جيناقتاۋ, ۇلتتىق ارحيۆ قورىنىڭ قۇرامىنا قۇجاتتاردى جاتقىزۋ بويىنشا ولشەمشارتتاردى قولدانۋ, مەملەكەتتىك ەسەپكە الۋدى جۇرگىزۋ ەرەكشەلىكتەرى, ونىڭ ىشىندە «قۇجاتتاردىڭ بىرىڭعاي ەلەكتروندىق ءارحيۆى» اقپاراتتىق جۇيەسىندەگى ماسەلەلەر تالقىلاندى. ەكى سەكتسيا بويىنشا جوسپارلانعان تاقىرىپتىق الاڭدا ارحيۆشىلەر ارحيۆتىك قۇجاتتاردى جيناقتاۋ جانە ەسەپكە الۋ جونىندەگى زاڭناما نورمالارىن جانە نورماتيۆتىك قۇقىقتىق اكتىلەردىڭ تالاپتارىن ءىس جۇزىندە قولدانۋ بويىنشا جۇمىس تاجىريبەسىمەن ءبولىستى.