الماتىدا ەگجەي-تەگجەيلى جوسپارلاۋدىڭ (ەتج) جاڭا جوباسى شەڭبەرىندە قالادا شاعىن قاباتتى قۇرىلىسقا باسىمدىق بەرىلەدى. بۇل تۋرالى قالا اكىمىنىڭ ورىنباسارى اسقار ءامرين جاڭا ەتج-نى تانىستىرۋ بارىسىندا مالىمدەدى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
«بۇگىن ءبىز ەتج-نى باسشىلىققا الۋ كەرەكتىگىن ايتامىز. قۇرىلىس سالۋشى التى قاباتتى تۇرعىن ءۇيىن ەتج-داعى شارتتاردى ەسكەرىپ, ەسكيزدى ماقۇلدانعاننان كەيىن جوبانى جۇزەگە اسىرادى. ەستەرىڭىزدە بولسا, بەس قاباتتى عيماراتتىڭ نولدىك بۇرىشىندا توعىز قاباتتى عيماراتتار سالىنعان. جاڭا ەتج-دا مۇنىڭ جولىن كەستىك جانە جاڭا قۇرىلىمعا ەشكىم «بىلگەنىن» ىستەمەس ءۇشىن بۇل ايماقتاردى دەمالىس ورىندارىنا اينالدىردىق. قالانىڭ ءوز ەرەجەسى بار ەكەندىگىن تۇسىندىرەمىز», دەدى قالا اكىمىنىڭ ورىنباسارى.
جاڭا ەتج ساياباقتاردى, سكۆەرلەردى, بۋلۆارلاردى قوسقاندا, جالپى پايدالانىمداعى جاسىل جەلەكتەر الاڭىن 2030 جىلعا قاراي 3 ەسەگە دەيىن ۇلعايتۋدى جوسپارلاپ وتىر.