پاۆلودار وبلىستىق پروكۋراتۋراسى ەكپە سالۋ ناۋقانىنداعى جۇمىستاردى تەكسەرىپ, قۇنى 21 ميلليون تەڭگەدەن كوپ 9,5 مىڭنان استام ۆاكتسينانى دۇرىس پايدالانباۋ دەرەگىن انىقتادى, دەپ جازادى Egemen.kz.
دەنساۋلىق ساقتاۋ باسقارماسىنىڭ ورتالىقتاندىرىلعان ساقتاۋ قويماسىنان ايماقتاعى اۋرۋحانالارعا جارامدىلىق مەرزىمى ءوتىپ كەتكەن ءدارى-دارمەكتەر جىبەرىلگەن.
سونداي-اق پاۆلودار ەمحانالارىنىڭ بىرىندە «پەنتاكسيمنىڭ» 135 دوزاسى پرەپاراتتىڭ قولدانىلۋ مەرزىمى اياقتالعان كۇنى ۇسىنىلسا, مەرزىمى وتكەن پرەپاراتپەن 2 بالاعا ەكپە سالىنعان.
«تەكسەرۋ بارىسىندا كامەلەتكە تولماعانداردى قىزىلشاعا قارسى جالعان ۆاكتسينالاۋ فاكتىلەرى انىقتالدى. وبلىس پروكۋراتۋراسى قابىلداعان شارالار بويىنشا جارامسىز پرەپاراتتار جويىلدى, كىنالى ادامدار جاۋاپكەرشىلىككە تارتىلدى», دەلىنگەن پروكۋراتۋرا حابارلاماسىندا.