اۆتوونەركاسىپتىڭ جاڭا دەڭگەيى

كاسىپورىننىڭ باس ديرەكتورى كيم دە كي زاۋىتتا 1,5 مىڭ جاڭا جۇ­مىس ورنى اشىلاتىنىن اتاپ ءوتتى. باس­تاپقى كەزەڭدە «Sorento», «Sportage» جانە «Cerato» سياقتى شاعىن توراپتى 3 مودەل ءوندىرىسىن جولعا قويۋ كوزدە­لىپ وتىر. زاۋىت 2025 جىلى ىسكە قوسىلادى.

ءاليحان سمايىلوۆ بۇگىندە ۇكىمەت ەكونوميكانى ارتاراپتاندىرۋعا جانە وڭدەۋ ونەركاسىبىندە لوكاليزاتسيالاۋ­دى تەرەڭدەتۋگە ۇلكەن كوڭىل ءبولىپ وتىرعانىن اتاپ ءوتتى.

ء«بىز قازاقستاندا وسىنداي ءىرى ينۆەس­تيتسيالىق جوبانىڭ ىسكە اسىرىلۋىن قۇپتايمىز. مەنىڭ بىلۋىمشە, بۇل – ەۋرازيا قۇرلىعىنداعى جالعىز زاۋىت. بىرەۋى اقش-تا, ەكىنشىسى وسىندا. اتالعان زاۋىتتىڭ قۋاتتىلىعىن ەسكەرسەك, بۇل – ءبىزدىڭ رەسپۋبليكا ءۇشىن وتە ماڭىزدى جوبا», دەدى پرەمەر-مينيستر.

ۇكىمەت باسشىسى اتاپ وتكەندەي, بۇگىندە وتاندىق ماشينا جاساۋ سالا­سى, ونىڭ ىشىندە اۆتوموبيل ونەر­كاسىبى قارقىندى دامىپ كەلەدى. وتكەن جىل­دىڭ قورىتىندىسى بويىنشا, ەلى­مىزدە 148 مىڭ اۆتوكولىك شىعارىلدى, بۇل كورسەتكىش الدىڭعى جىلمەن سالىس­تىرعاندا 30%-عا ارتىق.

ء«بىز ىشكى نارىقتى ءارتۇرلى اۆتو­كولىك تۇرلەرىمەن تولىقتىرۋ ماق­ساتىندا عانا ەمەس, سونىمەن قاتار ەكس­پورتقا شىعارۋ ءۇشىن دە وسى سەر­پىندى ساقتاۋدى جالعاستىرۋىمىز كەرەك. بۇل – ءبىزدىڭ ودان ءارى تۇراقتى دامۋىمىز تۇرعىسىنان وتە ماڭىزدى», دەدى ءاليحان سمايىلوۆ.

سونداي-اق پرەمەر-مينيستر جاڭا ء«Kىا» زاۋىتىندا شاعىن توراپتى قۇراستىرۋ ادىسىمەن 50 مىڭعا جۋىق اۆ­توكولىك شىعارىلاتىنىن ايتتى.

«بۇل – وتاندىق اۆتوموبيل ءوندى­رىسىن دامىتۋداعى وتە ماڭىزدى كەزەڭ. ءبىز اتالعان جوبانىڭ جەدەل جۇزەگە اسۋىن تولىق قولدايمىز», دەدى ۇكىمەت باسشىسى.

پرەمەر-مينيستر «Allur» زاۋىتىنا بارىپ, «Chevrolet وnix» اۆتو­كولىگىنىڭ وندىرىستىك جوسپارىمەن تانىستى. «Allur» كومپانيالار توبى ديرەكتورلار كەڭەسىنىڭ تور­اعاسى اندرەي لاۆرەنتەۆتىڭ ايتۋىنشا, زاۋىت تولىعىمەن ىشكى نارىققا باع­دارلانعان جانە قولجەتىمدى باعا­مەن اۆتوكولىكتەر شىعارادى. سە­ريالىق ءوندىرىس كولەمى جىلىنا 30 مىڭ كولىككە جەتكەندە, كونۆەيەردە 400-دەن استام جاڭا جۇمىس ورنى اشىلادى.

ءاليحان سمايىلوۆ وڭدەۋ ونەر­كاسىبىنىڭ ەكونوميكاداعى ۇلەسى قازىر­دىڭ وزىندە شيكىزات ءوندىرۋ سالاسىمەن تەڭەسىپ وتىرعانىن اتاپ ءوتتى. ۇكىمەت قوسىلعان قۇنى جوعارى سالالاردىڭ پايداسىنا شيكىزات باعىتىنان بىرتە-بىرتە شەگىنۋ ءۇشىن وڭدەۋ ونەر­كاسىبىنىڭ دامۋ قارقىنىن جەدەلدەتۋ جۇمىستارىن جالعاستىرادى.

«جاڭا ءوندىرىس ورىندارىن ىسكە قوسۋ اۆتوموبيل ونەركاسىبىندەگى ءوندىرىس كولەمىن ايتارلىقتاي ارت­تى­رۋعا مۇمكىندىك بەرەدى. ول قازىر­دىڭ وزىندە ەكونوميكامىزدىڭ ستراتە­گيالىق ماڭىزدى سالاسىنا اينالىپ وتىر. ءبىز ونىڭ قارقىندى دامۋىنا جانە ەل ەكونوميكاسىنىڭ ورنىقتى بولۋىنا ودان ءارى ىقپال ەتەتىن بولامىز», دەدى پرەمەر-مينيستر.

ۇكىمەت باسشىسى وڭىردە اۋىل شارۋا­شىلىعى تەحنيكالارىن قۇراس­تىراتىن, كومپونەنتتەر مەن قو­سالقى بولشەكتەر شىعاراتىن «اگروماشحولدينگ KZ» لوكاليزاتسيا ور­تالىعىندا بولدى. بۇگىندە كاسىپورىن جىلىنا 1 مىڭ كومباين, 3 مىڭ تراكتور, 300-گە جۋىق تۇقىم سەپكىش جانە 200 جيناۋشى پلاتفورما شىعارا الادى. اتاپ ايتقاندا, وتكەن جىلى ەل كولەمىندە ديقانداردىڭ ەگىس القابىنا 1 200-دەن استام تراكتور مەن كومباين جەتكىزىلدى.

ءاليحان سمايىلوۆ قازىرگى تاڭدا اۋىل شارۋاشىلىعى ماشينالارىن جاساۋ سالاسى جوعارى ءوسۋ قارقىنىن كورسەتىپ وتىرعانىن اتاپ ءوتتى. ماسە­لەن, وتكەن جىل قورىتىندىسى بويىنشا 6,4 مىڭ استىق جينايتىن كومباين مەن تراكتور شىعارىلعان. بۇل – 2022 جىلمەن سالىستىرعاندا 20%-عا ارتىق.

ء«بىز وسى قارقىندى ساقتاپ, ءوندىرىستى ارتتىرۋىمىز قاجەت. وسى تۇر­عىدان العاندا, جەرگىلىكتى قامتۋ­دىڭ ۇلەسىن ارتتىرۋ, جۇمىس ورىندارىن اشۋ جانە ايماقتاعى شاعىن جانە ورتا كاسىپورىنداردى جۇمىسپەن قامتۋ ماقساتىندا مۇنداي لوكاليزاتسيالاۋ ورتالىعى جۇمىسىنىڭ ماڭىزى زور. ءبىز اكىمدىكپەن بىرلەسە وتىرىپ, مۇنداي كاسىپورىندارعا جان-جاقتى قولداۋ كورسەتەتىن بولامىز», دەدى پرەمەر-مينيستر.

قوستاناي وبلىسىنداعى ونەركاسىپ كاسىپورىندارىنىڭ ءوسۋ قارقىنىن ەسكەرسەك, ەل اۋماعى بويىنشا جۇك تاسىمالدارىن ۇلعايتۋ قاجەتتىلىگى ارتىپ كەلەدى. ءاليحان سمايىلوۆ زاماناۋي تەمىرجول تەرمينالىن سالۋ جوباسىمەن تانىستى. قۇرعاق پورت قوستاناي وبلىسى ارقىلى وتەتىن كونتەينەرلىك تاسىمالداۋ كولەمىن 5 ەسەگە ارتتىرۋعا مۇمكىندىك بەرەدى.

سونداي-اق پرەمەر-مينيستر جىلىنا 170 مىڭ توننا دايىن ءونىم شىعاراتىن «كايدزەن» ءداندى-بۇر­شاقتى داقىلدار وڭدەيتىن جاڭا كاسىپ­ورىندا بولدى. مۇندا شيكىزاتتان باس­تاپ قاپتاماعا دەيىن تولىق وندىرىستىك تسيكل جولعا قويىلعان. جوباعا 4 ملرد تەڭگە كولەمىندە ينۆەستيتسيا تارتىلىپ, 70 جۇمىس ورنى اشىلدى.

ءاليحان سمايىلوۆ ۇكىمەتتىڭ الدىندا اگروونەركاسىپتىك كەشەندە شىعارىلاتىن ءونىم كولەمىن ەكى ەسەگە ارتتىرۋ بويىنشا ۇلكەن مىندەت تۇر­عانىن اتاپ ءوتتى.

«جۋىردا عانا ءبىز وسى تاقىرىپ بو­يىنشا ۇلكەن جيىن وتكىزدىك, وندا ءاربىر ءوڭىردىڭ بيىلعى جانە كەلەسى جىلدارعا ارنالعان ناقتى كور­سەتكىشتەرىن بەلگىلەدىك. بۇل – ەگىس القاپتارىن ۇلعايتۋعا, سۋ ۇنەمدەۋ تەحنولوگيالارىن ىسكە قوسۋ, مينەرالدى تىڭايتقىشتاردى ەنگىزۋ, قايتا وڭدەۋدى دامىتۋ جانە باسقا دا سالالارعا قاتىستى. اتالعان مىندەتتەردى ۋاقتىلى ءارى تولىق كولەمدە جۇزەگە اسىرۋ ماڭىزدى», دەدى ۇكىمەت باسشىسى.

قوستاناي وبلىسى