«Astana Hub» اۆتونومدى كلاستەرلىك قورى 2023 جىلعى قىزمەتىنىڭ قورىتىندىسىن شىعاردى. ناتيجەلەرگە دەن قويساق, تەحنوپارك قاتىسۋشىلارىنىڭ IT-ەكسپورت كولەمى 282,4 ملن دوللارعا جەتتى. 57,6 ملرد تەڭگە ينۆەستيتسيا تارتىلدى. جالپى كىرىس 400,3 ملرد تەڭگەگە تەڭ. اشىلعان جۇمىس ورىندارى 25 مىڭنان استى.
قازاقستاندى ورتالىق ەۋرازيانىڭ جەتەكشى تسيفرلىق ورتالىعىنا اينالدىرۋ ءۇشىن مەملەكەت باسشىسى قاسىم-جومارت توقاەۆ 2026 جىلعا قاراي ءىت-ەكسپورت كولەمىن 1 ملرد دوللارعا دەيىن ۇلعايتۋ, 100 مىڭ بىلىكتى IT-مامان دايارلاۋ جانە «Astana Hub» تاجىريبەسىن ەلىمىزدىڭ وڭىرلەرىنە ەنگىزۋ مىندەتىن جۇكتەگەنى بەلگىلى.
– بىلتىر مينيستر باعدات مۋسينمەن جانە سەرىكتەستەردىڭ قولداۋىمەن KPI كورسەتكىشىنىڭ بارلىعىن ءساتتى ورىندادىق. ءبىزدىڭ قاتىسۋشىلار 2022 جىلمەن سالىستىرعاندا IT-قىزمەتتەر ەكسپورتىن 84,3 پايىزعا ارتتىرىپ, 85 ەلدى قامتىدى. سونىڭ ىشىندە اقش, رەسەي, مەكسيكا, كيپر, سينگاپۋر جانە ۇلىبريتانيا الدىڭعى قاتاردا تۇر, – دەيدى «Astana Hub» باس ديرەكتورى ماعجان ماديەۆ.
– ستارتاپتاردىڭ ەكسپورتتىق الەۋەتى اكسەلەراتسيا باعدارلامالارىنىڭ, سونىڭ ىشىندە Google for Startups جانە Draper Startup House سياقتى الەمدىك كوشباسشىلارمەن ءساتتى ىنتىماقتاستىقتىڭ, سونداي-اق كرەمني القابىندا ورتالىق ەۋرازيا ءىت-ستارتاپتار پلاتفورماسى Silkroad Innovation Hub ىسكە قوسىلۋىنىڭ ناتيجەسىندە ايتارلىقتاي ارتتى. ەلىمىزدىڭ 14 وڭىرىندە ايماقتىق IT-حابتار اشىلدى, بيىل تاعى 7-ءىن اشۋ جوسپاردا بار. Astanahub.com تسيفرلىق پلاتفورماسى نەگىزىندە ەلىمىزدىڭ يننوۆاتسيالىق ەكوجۇيەسىنىڭ بارلىق قاتىسۋشىسى ءۇشىن «ۇلتتىق يننوۆاتسيالىق جۇيە» بىرىڭعاي تەرەزەسى قاناتقاقتى جوباسى ىسكە قوسىلدى, – دەيدى ول.
ەسكە سالا كەتەيىك, astanahub.com پلاتفورماسىندا «ۇلتتىق يننوۆاتسيالىق جۇيەنى» ىسكە قوسۋ تۋرالى شەشىمدى 2023 جىلدىڭ جەلتوقسانىندا پرەمەر-مينيستر ءاليحان سمايىلوۆتىڭ توراعالىعىمەن تەحنولوگيالىق ساياسات كەڭەسى قابىلداعان بولاتىن.
وتكەن جىلى Astana Hub ورتالىق ازياداعى Draper Startup House-تىڭ العاشقى سەرىكتەسى بولدى. بۇل ىنتىماقتاستىق ستارتاپتار ءۇشىن بىرەگەي مۇمكىندىك تۋدىردى: 27 ستارتاپ دۇنيەجۇزىلىك بانكتىڭ قولداۋىمەن درەيپەر ۋنيۆەرسيتەتىمەن سەرىكتەستىكتە كرەمني القابىندا جۇزەگە اسىرىلاتىن Hero Training ەكسكليۋزيۆتى اكسەلەراتور باعدارلاماسىنا قاتىستى. باعدارلاماعا قاتىسۋشىلاردىڭ ءبىرى CITIX تيم درەيپەردەن 1 ملن دوللار كولەمىندەگى ينۆەستيتسيا تارتتى. بۇل Astana Hub جانە Draper Startup House اراسىنداعى ورتالىق ەۋرازيا يننوۆاتسيالىق جوبالارىن قولداۋداعى ىنتىماقتاستىقتىڭ تابىستىلىعىن راستادى.
Techpreneurs, Startup Garage, Scalerator, Global Outsourcer اكسەلەراتسيا جانە ينكۋباتسيالىق باعدارلاما تۇلەكتەرى 455 ملن تەڭگەگە ساتىلىم جاسادى. Silkway Accelerator قاتىسۋشىلارى جالپى سوماسى 26 ملن دوللار ينۆەستيتسيا تارتىپ, كومپانيالاردىڭ جالپى كاپيتالداندىرۋى 400 ملن دوللاردان استى. ەڭ تانىمال ستارتاپ-جارىس Astana Hub Battle جۇلدە قورى دەمەۋشىلەر مەن سەرىكتەستەر ناتيجەسىندە 125 مىڭ دوللارعا دەيىن ءوستى. سونىمەن قاتار Seed money باعدارلاماسىنىڭ ءۇشىنشى لەگى باستالدى: Astana Hub-تان قارجىلاندىرۋعا تاڭدالعان 11 ستارتاپقا 10 ملن تەڭگەگە دەيىن قارجى قۇيىلادى.
قىركۇيەك ايىندا اقش-تا (سان-فرانتسيسكو, كاليفورنيا) وتكەن ەڭ ءىرى حالىقارالىق TechCrunch Disrupt 2023 كونفەرەنتسياسىندا ورتالىق ەۋرازيانىڭ 14 ستارتاپى تانىستىرىلدى. ولاردىڭ كوپشىلىگى Astana Hub اكسەلەراتسيا باعدارلامالارىنىڭ تۇلەكتەرى ەكەنىن اتاپ وتكەن ءجون. ءارى قازىرگى ۋاقىتتا الەمدىك نارىقتا جوبالارىن ءساتتى دامىتىپ جاتىر.
2023 جىلى تۇرىكمەنستان, تاجىكستان, رەسەي, ارمەنيا, ۋكراينا, قىرعىزستان ەلدەرىنە ءبىلىم بەرۋ باعدارلامالارىن ەكسپورتتاۋ ءۇردىسى باستالدى. تسيفرلىق دامۋ مينيسترلىگىنىڭ باستاماسىمەن Astana Hub بازاسىندا جۇزەگە اسىرىلىپ جاتقان Tech Orda باعدارلاماسى اياسىندا 3 183 ازامات جەتەكشى IT-مەكتەپتەردە وقۋعا گرانت الدى. Swift ازىرلەۋدى ۇيرەتۋ ءۇشىن Astana Hub بازاسىندا Apple Training Center اشۋ تۋرالى كەلىسىمگە قول قويىلدى. تەحنوپاركتە 2 مىڭنان استام وقۋشىلار مەن ستۋدەنتتەر قارقىندى جانە ءبىلىم بەرۋ كۋرستارىنان ءوتتى. سونداي-اق پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن ىسكە قوسىلعان IT-Aiel باعدارلاماسى ارقىلى 2 مىڭ جۇمىسسىز ايەل تەگىن وقۋ مۇمكىندىگىنە يە بولدى.
30 مىڭنان استام ادام, سونىڭ ىشىندە 30 ەلدەن دەلەگاتسيا قاتىسقان Digital Bridge-2023 حالىقارالىق IT فورۋمى ورتالىق ەۋرازياداعى ەڭ ءىرى فورۋمعا اينالدى. ونىڭ الاڭىندا 55 پانەلدىك سەسسيا, دوڭگەلەك ۇستەلدەر جانە بىرقاتار keynote ءوتىپ, 450-دەن استام ستارتاپ پەن IT-كومپانيا, 450 سپيكەر جانە 100-دەن استام ينۆەستور مەن بيزنەس-پەرىشتە باس قوستى. ءداستۇرلى تۇردە اشىلۋ پلەنارلىق وتىرىس فورماتىندا ەل پرەزيدەنتى قاسىم-جومارت توقاەۆ, ۆەنچۋرلىق ينۆەستور, Draper Fisher Jurvetson تەڭ قۇرىلتايشىسى تيم درەيپەر, TikTok باس ديرەكتورى شوۋ چۋ, Starlink كومپانياسىنىڭ SpaceX ۆيتسە-پرەزيدەنتى لورەن درەيەر جانە باسقا دا الەمدىك كوشباسشىلاردىڭ قاتىسۋىمەن ءوتتى. سونداي-اق ەۋروپا, قىتاي, وڭتۇستىك-شىعىس ازيا جانە افريكادان 15 تەحنولوگيا كوشباسشىسىنىڭ باسىن قوسقان Google for Startups سەرىكتەستەر ءسامميتى ءوتتى.
– 2023 جىلى Astana Hub 446 ءىس-شارا ۇيىمداستىردى, وعان 20 مىڭعا جۋىق ادام قاتىستى. سونداي-اق سەرىكتەستەرمەن بىرگە 300-دەن استام ستارتاپتى قامتىعان ءۇش حاكاتون جانە التى سكاۋتينگ وتكىزىلدى, ونىڭ ىشىندە 23-ءى قاناتقاقتى جانە كومپانيادا ەنگىزۋ ءۇشىن تاڭدالدى. GameDev ورتالىعى Playrix, Mytona جانە G5 Games-پەن بىرگە 40-تان استام كونفەرەنتسيا, لەكتسيا. كەزدەسۋ ۇيىمداستىردى. Astana Hub قىزمەتى ءىت-بيزنەس ءۇشىن ەكوجۇيەنى قۇرۋعا جانە دامىتۋعا, ءىت ماماندارىن دايارلاپ, ستارتاپ جوبالاردى قولداۋعا باعىتتالعان. بۇگىنگى تاڭدا تەحنوپاركتە 1388 IT-كومپانيا تىركەلگەن, ونىڭ ىشىندە 389-ىندا شەتەلدىكتەردىڭ قاتىسۋى بار. ولارعا بيزنەستى دامىتۋ جانە ماسشتابتاۋ باعدارلامالارى, ارنايى سالىقتىق جانە ۆيزالىق شارتتار, اقپاراتتىق-ءبىلىم بەرۋ, ماتەريالدىق ينفراقۇرىلىم جانە تاعى باسقا قولداۋ كورسەتىلەدى, – دەدى ماعجان ماديەۆ.