ۇلتتىق وپەرانىڭ جەتىستىگى

«مەنىڭ ماجارستان مەم­لەكەتتىك وپەرا تەاترىن­داعى دەبيۋتىم فەرەنتس ءليستتىڭ اكادەمياسىندا ماگيس­تراتۋرادا وقىپ جۇرگەن كەزىمدە ا.پون­كەلليدىڭ «دجاكوندا» وپەرا­سىنداعى بار­نا­با رولىنەن باس­تالعان بولاتىن. ودان كەيىن ج.بيزەنىڭ «كارمەن» وپەراسىندا ەسكاميلونى سومدادىم. ال 2021 جىلى ەۆا مار­تون­نىڭ حالىقارالىق ۆوكاليستەر باي­قاۋىنىڭ لاۋرەاتى, II سىيلىق يەگەرى اتانعانىمدا قايتادان تەاترعا شاقىرتۋ الدىم. ما­عان دج.ءپۋچچينيدىڭ «بوگەما» ­وپە­راسىندا شوناردىڭ ءرولىن ورىنداۋ باقىتى بۇيىردى. «بوگەما» وپەرا­سى – ءوزىنىڭ گار­مونياسىمەن تاڭعالدىراتىن مۋزىكا. تاعدىرعا سەنىپ, ءبىر كۇندىك الاڭ­سىز ءومىر سۇرەتىن كەيىپكەرلەردىڭ ويناقى, جە­ڭىل لەيتموتيۆتەرى. مۇن­دا باستى سوليست دەگەن جوق, قو­يى­لىم­نىڭ ەرەكشەلىگى – توپ­تىق جۇ­مىستا جۇ­مىل­عان جۇ­دىرىقتاي انسامبلگە اينالا الۋىندا. وپەرادا تۇراق­تى­ قالىپ جوق, بۇل قويىلىم مەنى توق­تاۋسىز ارەكەتتەردىڭ بىرىنەن سوڭ ءبىرى جالعاسىپ وتىرۋىمەن قىزىق­تىر­دى. قا­زىرگە دەيىن ماجار­ستان مەم­لەكەتتىك وپەرا تەات­رىن­­دا 15-تەن­­ اسا سپەكتاكلدە ءان ايتىپ ۇل­گەر­­دىم», دەپ اعىنان جارىل­دى­ ازات.

وتكەن جىلدىڭ سوڭى مەن 2024 جىل­­دىڭ باسىندا «استانا وپەرا»­ ءسوليسى ەۋروپانىڭ ەڭ تانىمال ساح­نا­لارىنىڭ بىرىندە سۇيىكتى پار­تيا­سىن­دا قايتادان شىقتى. ءانشى اتاپ وتكەندەي, ماجارستاندىق كورەر­مەن­دەر وپەرانى جانە ونىڭ ىشىندە «بوگەمانى» قاتتى جاقسى كورەدى ەكەن, سون­دىقتان سپەكتاكلگە بيلەتتەر كورسەتىلىمنەن ءبىراز ۋاقىت بۇرىن ساتىلىپ كەتكەن.

«بوگەما» – الەمدەگى ەڭ تا­نى­مال وپەرا, سوندىقتان ما­جارستان تەاترىنىڭ زالى ءاردايىم كورەر­مەن­گە لىق تولى. قويىلىم بولاتىنى تۋرالى حابارلاما وتكەن كوكتەمدە شىققان ەدى, ال جەلتوقسان–قاڭتار ايلارىنا بيلەتتەر جازدا تۇگەلدەي ساتىلىپ كەتتى. جالپى, ماجارستاندىق ارىپ­تەس­تەرىمنىڭ ءبىزدىڭ تەاترعا جانە قازاقستان مادەنيەتىنە دەگەن قىزى­عۋ­شىلىعى ەرەكشە. مەن ولارعا استانا جانە ەلىمىز تۋرالى قۋانا اڭگىمەلەپ, بەينەماتەريالداردى كورسەتتىم. ءبىرازى وسىندا كەلۋگە دايىندالىپ جاتىر», دەيدى ءانشى.

مادەنيەت جانە اقپا­رات­­ مي­نيستر­لىگىنىڭ قول­داۋى­مەن­ قۇ­رىل­عان­ «استانا وپەرا» حالىق­ارا­لىق وپەرا اكا­­دە­ميا­سى­نىڭ تۇلەكتەرى الەم­دىك ارەنادا سۇرا­نىس­قا يە, ولار تۇراقتى تۇر­دە شە­تەلدە زور جەتىستىكپەن ونەر كور­سەتىپ, ۇلتتىق ونەرىمىزدى شە­­تەلدە دارىپتەپ ءجۇر. سونىڭ ءبىرى – كارى قۇرلىقتى كەرەمەت ونە­رىمەن مو­يىن­داتىپ جۇرگەن وسى ازات. ءانشى ­26 قاڭ­تار كۇنى فران­تسيا­نىڭ بەل­فور قالاسىندا گاس­ترول­دىك ساپارى اياسىندا «استانا وپە­رانىڭ» جەتەكشى ءسوليسى, قا­زاق­ستاننىڭ ەڭبەك سىڭىرگەن قايراتكەرى بيبى­گۇل جانۇزاق­پەن بىرگە ءان سالادى. فرانتسۋز جۇرتشىلى­عىنا دايىن­دال­عان كونتسەرت باع­دار­لا­ما­سى­نا دج.پۋچچيني, ف.لەگار, ە.كورن­گولد, ۋ.دجور­دانو­نىڭ, سون­داي-اق وتاندىق كوم­پو­زيتور­لار­دىڭ تۋىندىلارى ەندى. ەۋرو­­پا­­ كورەرمەنى مۇ­قان تو­لەباەۆ («باقىت ءۆالسى»), سەرىك ەركىمبەكوۆ («جەر اس­پان», «دارقان دالا») سىن­دى مايتالمان اۆتور­لار­دىڭ شى­­عارماشىلىعىمەن قاتار, عازيزا جۇبانوۆانىڭ وڭدە­ۋىن­دەگى «اققۋراي», «القوڭىر» ءتا­رىز­د­ى حالىق مۋزىكا ونەرىمەن دە تانى­سا الادى.