Kaspi.kz فينتەح-حولدينگى اقش-تاعى NASDAQ بيرجاسىندا اكتسيالارىن باستاپقى جاريا ورنالاستىرۋعا (IPO) شىعاردى. لوندون قور بيرجاسىنىڭ سايتىنداعى اقپارات بويىنشا, Kaspi.kz ارقايسىسى كومپانيانىڭ ادەتتەگى ءبىر اكتسياسىن ۇسىناتىن 11 300 000 امەريكالىق دەپوزيتارلىق اكتسيانى (ADS) ورنالاستىرعان. ورنالاستىرۋ باعاسى – ADS ءۇشىن 92 دوللاردان.
NASDAQ بيرجاسىندا ADS «KSPI» بەلگىسىمەن ساۋدالانا باستاعان. Kaspi.kz-ءتىڭ IPO-عا تارتقان قارجى كولەمى 1 ملرد 039 ملن دوللاردى قۇرايدى. ورنالاستىرۋدىڭ جەتەكشى بۋكراننەرلەرى ء(وتىنىمدى قابىلداۋمەن اينالىساتىن كومپانيا) – Morgan Stanley, J.P. Morgan جانە Citigroup. ال Susquehanna Financial Group, LLLP and Wolfe | Nomura Alliance باعالى قاعازداردى ورنالاستىرۋ بويىنشا قوسىمشا مەنەدجەرلەر رەتىندە جۇمىس ىستەيدى. جالپى, فينتەح-حولدينگ IPO اياسىندا 9 ملن امەريكالىق دەپوزيتارلىق اكتسياسىن ورنالاستىرۋدى جوسپارلايدى.
«نيۋ-يوركتاعى Time Square-دە قازاقستاننىڭ ۇلكەن تۋىن كورگەن كەزىمىزدەگى كەۋدەمىزدى كەرنەگەن ماقتانىش سەزىمىن سوزبەن ايتىپ جەتكىزۋ قيىن. ءبىز سىزدەرمەن بىرلەسىپ, قازاقستاندى جاڭا دەڭگەيگە شىعاردىق, ەلىمىزدى جاھاندىق يننوۆاتسيالىق كارتاعا ەنگىزدىك, سونىمەن قاتار الەم بويىنشا كوپتەگەن كومپانيا مەن ينۆەستور ءۇشىن ۇلگى بولدىق. Kaspi.kz دامۋىنىڭ جاڭا كەزەڭىنە اياق باسىپ وتىرمىز. ەندى ارقايسىسىڭىزدىڭ الدىڭىزداعى جاۋاپكەرشىلىگىمىز ودان ءارى ۇلعايا ءتۇستى. سۇيىكتى كليەنتتەرىمىز بەن سەرىكتەستەرىمىزگە ايتار العىسىمىز زور. جاڭا جەتىستىكتەرگە جەتۋگە ءبىزدى ىنتالاندىرا بەرىڭىزدەر. ءبىز سىزدەردىڭ ومىرلەرىڭىزدى جاقسارتاتىن جانە ەلدىڭ دامۋىنا ەلەۋلى ۇلەس قوساتىن يننوۆاتسيالىق سەرۆيس قۇرۋدى جالعاستىرا بەرەمىز», دەيدى Kaspi.kz باسشىسى ميحايل لومتادزە.
NASDAQ جاھاندىق ورنالاستىرۋ جونىندەگى جەتەكشىسى كەرەن سنوۋدىڭ ايتۋىنشا, Kaspi.kz 17 جىل بۇرىن الماتىدا قۇرىلعالى بەرى حالىقتىڭ ءومىرىن جاقسارتۋدى ءوزىنىڭ ميسسياسىنا اينالدىرىپ, تسيفرلاندىرۋعا وراسان زور ۇلەس قوستى. Kaspi.kz سۋپەرقوسىمشاسى ەلەكتروندى كوممەرتسيا, ساياحات, ازىق-ت ۇلىك, تولەمدەر, QR-كودپەن تولەۋ جانە مەملەكەتتىك قىزمەتتەردى ۇسىنىپ, قازاقستان ازاماتتارىنىڭ كۇندەلىكتى ءومىرىنىڭ ءبىر بولىگىنە اينالدى جانە الەمدەگى باسقا قوسىمشالارمەن سالىستىرعاندا قولدانۋ بويىنشا ەڭ جوعارى كورسەتكىشتەرگە يە.
ايتا كەتەيىك, Kaspi.kz 2020 جىلدىڭ قازان ايىندا لوندون قور بيرجاسىندا (LSE) IPO وتكىزدى. ول كەزدە كومپانيا اكتسيونەرلەرى IPO-عا كومپانيا اكتسياسىنىڭ 15 پايىزىن ورنالاستىرىپ, 1 ملرد دوللار تارتقان بولاتىن.