قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى سايات ورىكباەۆ «Smart Bench» جوباcىن ىسكە اسىرۋعا كىرىستى. ول كۇن ساۋلەسىنەن قۋات الاتىن ورىندىقتاردى ورناتىپ, كامپۋس لاندشافتىن وزگەرتكىسى كەلەدى.
«Kyzylorda Hub» كاسىپكەرلىك ورتالىعىنىڭ رەزيدەنتى سايات ورىكباەۆتىڭ ايتۋىنشا, Smart Bench – كۇننەن قۋات الاتىن «اقىلدى» ورىندىق.
– قازىر قورقىت اتا اتىنداعى قىزىلوردا ۋنيۆەرسيتەتىنىڭ قىزمەتكەرلەرى مەن ستۋدەنتتەرىنە ارنالعان يننوۆاتسيالىق ەكو-جوبانىڭ دايىن ۇلگىسى باس وقۋ عيماراتى ماڭىنا ورناتىلدى. بۇل جوبا ارقىلى ءوڭىرىمىزدىڭ ەكولوگيالىق جاعدايىن جاقسارتۋعا سەپتىگىمدى تيگىزگىم كەلەدى. كۇن پانەلدەرى ورناتىلعاننان كەيىن ونى قولدانا بەرۋگە بولادى, – دەيدى ستۋدەنت.
جاڭاشىل ستۋدەنت وسىعان دەيىن «Chevron» كومپانياسى ۇيىمداستىرعان «Sustainability Living Lab» سايىسىندا جوباسىن تانىستىرىپ, گرانت يەلەنگەن.
قىزىلوردا