قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ سەنات دەپۋتاتى دارحان قىدىرالىنىڭ شەتەلدىكتەر اسىراپ العان قازاق بالالارى تۋرالى مالىمدەمەسىنە قاتىستى پىكىر ءبىلدىردى, دەپ حابارلايدى Egemen.kz.
ەسكە سالايىق, بۇعان دەيىن سەناتور وڭتۇستىك افريكاداعى 30 بالامەن, اقش-تاعى 104 بالامەن, بەلگياداعى 113 بالامەن بايلانىس ۇزىلگەنىن ايتىپ دابىل قاققان ەدى.
ايبەك سمادياروۆتىڭ ايتۋىنشا, قازاق بالالارىن اسىراپ العان شەتەل ازاماتتارى مىندەتتى تۇردە كونسۋلعا ەسەپ بەرىپ تۇرۋى كەرەك.
«ەڭ الدىمەن شەتەلدىكتەر اسىراپ العان بالا 18 جاسقا دەيىن قازاقستان ازاماتى بولىپ سانالاتىنىن ايتا كەتكىم كەلەدى. ءبىزدىڭ شەتەلدەگى كونسۋلدار ارنايى باعدارلاما بويىنشا ولاردىڭ جاعدايىن باقىلاپ تۇرادى. كەرەك كەزدە كومەكتەسەدى. بىراق 18 جاسقا تولعاننان كەيىن بالا قاي ەلدىڭ ازاماتتىعىن الاتىنىن ءوزى شەشەدى. ول 18 جاسقا تولعانعا دەيىن سول ەلدىڭ ازاماتتىعىن السا, ءبىز ەشقانداي ارەكەت جاساي المايمىز», دەپ ءتۇسىندىردى سپيكەر ۆەدومستۆو الاڭىندا وتكەن ءباسپاسوز ءماسليحاتى بارىسىندا.
وسى تۇستا ءسىم وكىلى سەناتوردىڭ «شەتەلدىكتەر اسىراپ العان بالالار تۋرالى اقپارات جوق» دەگەن ءسوزىن جوققا شىعاردى.
ء«بىز شەتەلدىكتەر اسىراپ العان بارلىق بالا بويىنشا اقپاراتتى تۇگەندەيمىز. كەيبىر كەزدە ولار ءبىر مەكەنجايدان باسقا مەكەنجايعا كوشۋى مۇمكىن. مۇنداي جاعدايدا اقپارات بولماي قالۋى مۇمكىن. سونداي-اق «قازاق بالالارىن ەكزوتيكالىق ەلدەرگە الىپ كەتتى» دەگەن اقپاراتتى دا ەستىدىم. بۇل دا شىندىققا جاناسپايدى. سەبەبى, قازاقستاندا 1990 جىلدارى بالالاردى تەك باتىس ەلدەرىنىڭ وكىلدەرىنە بەرەتىن تالاپ بولعان. باتىس ەلدەرىنىڭ ازاماتتارى سول ەلدە ديپلومات بولىپ جۇمىس ىستەۋى مۇمكىن. ولار اسىراپ العان. ونداي ەلدەرگە ءبىز بالالاردى بەرمەيمىز. قازىر 18 جاسقا تولماعان 1 993 بالا كونسۋلدىق ەسەپتە تۇر. تاعى دا ايتامىن, ءبىز افريكا ەلدەرىنە بالالاردى بەرگەن جوقپىز. اقپارات شىندىققا جاناسپايدى», دەپ قورىتىندىلادى ايبەك سمادياروۆ.