پاۆلودار وبلىسىندا سكريپتونيت لاقاپ اتىمەن تانىمال رەپ ورىنداۋشىسى ءادىل جالەلوۆ دۇنيەگە كەلگەن لەنينسكي اۋىلىنىڭ اتاۋى وزگەرتىلدى. اكىمدىكتىڭ ءباسپاسوز قىزمەتىنىڭ مالىمەتىنشە, 22 قاڭتاردا وزگەرتۋ تۋرالى قاۋلى كۇشىنە ەنگەن, دەپ حابارلايدى Egemen.kz.
اتالعان اۋىل قازىرگى ۋاقىتتا رەسمي تۇردە اتامەكەن دەپ اتالادى.
بىلتىر قاراشا ايىندا اۋىل اتىن وزگەرتۋ ماسەلەسى وبلىستىق ونوماستيكالىق كوميسسيا وتىرىسىندا تالقىلانىپ, جەلتوقساننىڭ اياعىندا وبلىستىق ءماسليحات دەپۋتاتتارى اۋىلدىڭ جاڭا اتاۋىن ءبىراۋىزدان قولداپ, قۇجات تىركەۋگە جىبەرىلگەن.
سوڭعى ون جىلدا اتاۋدى وزگەرتۋ ماسەلەسى كەزەڭ-كەزەڭىمەن كوتەرىلگەن ەكەن. جەرگىلىكتى تۇرعىندار بىلتىر ساۋىردە جاڭا اتاۋدى تاڭداعان.
قوعامداستىق جينالىسىندا بىرنەشە نۇسقا ۇسىنىلعان, كوبى, ناقتى اتاعاندا 49 ادام «اتامەكەن» اتاۋىنا داۋىس بەرگەن.