پرەمەر-مينيستر ءاليحان سمايىلوۆتىڭ توراعالىعىمەن ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيانىڭ وتىرىسى ءوتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
جەكەشەلەندىرۋدىڭ 2021-2025 جىلدارعا ارنالعان كەشەندى جوسپارىن جۇزەگە اسىرۋدىڭ, ونەركاسىپ پەن تاۋ-كەن مەتاللۋرگيا كەشەنىن جانە گەولوگيالىق بارلاۋدى دامىتۋدىڭ, سونداي-اق «قازاقتەلەكوم» اق ءموبيلدى وپەراتورلارىنىڭ ءبىرىن باسەكەلەستىك ورتاعا بەرۋدىڭ وزەكتى ماسەلەلەرى قارالدى.
ورتالىق مەملەكەتتىك ورگاندار, «سامۇرىق-قازىنا», «قازاقتەلەكوم», «تاۋ-كەن سامۇرىق» كومپانيالارى باسشىلارىنىڭ قاتىسۋىمەن وتكەن تالقىلاۋ قورىتىندىسى بويىنشا مەملەكەتتىك كوميسسيا بىرقاتار ءتيىستى شەشىمدەر قابىلدادى.