ءماجىلىس سپيكەرى ەرلان قوشانوۆتىڭ توراعالىعىمەن بيۋرو وتىرىسى ءوتىپ, الداعى جالپى وتىرىستىڭ كۇن ءتارتىبى ناقتىلاندى.
دەپۋتاتتاردىڭ تالقىلاۋىنا ءبىرىنشى وقىلىمدا ەكولوگيالىق تازا كولىكتى تانىمال ەتۋ جانە ەلەكتروموبيلدەرگە ارنالعان ينفراقۇرىلىمدى دامىتۋ ماسەلەلەرى تۋرالى زاڭ جوباسى ۇسىنىلادى. زاڭ جوباسى ءماجىلىس دەپۋتاتتارىنىڭ باستاماسىمەن ازىرلەندى. قۇجات ەلەكتروموبيلدەرگە ارنالعان ينفراقۇرىلىمدى دامىتۋعا, ەلەكتر قوزعالتقىشى مەن ىشتەن جانۋ قوزعالتقىشى بار كولىك جۇرگىزۋشىلەرى اراسىنداعى داۋلى ماسەلەلەردى شەشۋگە, سونداي-اق ەلەكتر زاريادتاۋ ستانسالارىن ورناتۋ جونىندەگى قىزمەتتى رەتتەۋ ءۇشىن قۇقىقتىق تەتىكتەر قۇرۋعا مۇمكىندىك بەرەدى.
سونداي-اق ءماجىلىستىڭ قاراۋىنا حالىقارالىق سۋ اعىندارىن كەمە جۇرمەيتىن پايدالانۋ تۇرلەرىنىڭ قۇقىعى تۋرالى كونۆەنتسيا مەن ەاەو شەڭبەرىندە مەديتسينالىق بۇيىمدار اينالاسىنىڭ بىرىڭعاي قاعيداتتارى مەن قاعيدالارى تۋرالى كەلىسىمگە ەنگىزىلەتىن تۇزەتۋلەردى راتيفيكاتسيالاۋ تۋرالى زاڭ جوبالارى ەنگىزىلەدى.
الداعى جالپى وتىرىستا پالاتا كوميتەتتەرى بىرقاتار جاڭا زاڭ جوباسىن جۇمىسقا الادى. ولار: «قر سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭعا ەنگىزىلەتىن تۇزەتۋلەر, سۋ جانە قۇرىلىس كودەكستەرىنىڭ جوبالارى, اۋماقتىق قورعانىس تۋرالى زاڭ جوباسى, دەنە شىنىقتىرۋ جانە سپورت ماسەلەلەرى بويىنشا تۇزەتۋلەر, سونداي-اق بىرقاتار حالىقارالىق كەلىسىم.