سينوپتيكتەر 16-18 قاڭتار ارالىعىندا ەل اۋماعىندا اۋا رايى ايازدى بولاتىنىن ءمالىم قىلدى, دەپ جازادى Egemen.kz.
«قازگيدرومەت» رمك قازاقستاننىڭ باسىم بولىگىندە ايازدى اۋا رايى ساقتالاتىنىن جەتكىزدى.
تەك ەلدىڭ باتىسى مەن وڭتۇستىك-شىعىسىندا جاۋىن-شاشىن, قار جاۋىپ, اۋا رايى تۇراقسىز بولادى. 16-18 قاڭتار ارالىعىندا بوراندى جەل سوعادى.
ال وزگە وڭىرلەردە ايازدى اۋا رايى ساقتالادى.
«نەگىزگى تەمپەراتۋرالىق فون رەسپۋبليكامىزدىڭ سولتۇستىگىندە, شىعىسىندا جانە ورتالىعىندا تۇندە 25-33, كۇندىز 15-23 اياز, وڭتۇستىكتە جانە وڭتۇستىك-شىعىستا تۇندە 5-15, كۇندىز 2-7 اياز, ال باتىستا تۇندە 8-18 ايازعا دەيىن, كۇندىز 3-15 ايازعا دەيىن بولادى», دەلىنگەن «قازگيدرومەت» رمك حابارلاماسىندا.
مەكەمەنىڭ 10 كۇندىك بولجامىن باقساق, ەلىمىزدىڭ سولتۇستىك, شىعىس جانە ورتالىعىندا ايازدى تەمپەراتۋرا تەك ءبىر اپتادان كەيىن باسىلا باستايدى. تەمپەراتۋرالىق كورسەتكىش 14-16, 6-9 گرادۋسقا دەيىن تومەندەيدى.