قازاقستان رەسپۋبليكاسى ۇلتتىق ۇلانى باس قولباسشىلىعىنىڭ جەكە قۇرامىنا وزدەرىنىڭ قىزمەتتىك-جاۋىنگەرلىك قىزمەتىندە پايدالاناتىن ەلەكتروندىق قۇرىلعىلار (پلانشەتتەر) تانىستىرىلدى, دەپ حابارلايدى Egemen.kz.
قازىرگى ۋاقىتتا اتالعان قۇرىلعىنى تەستىلەۋ ۇشىن 5573 اسكەري ءبولىمىنىڭ جەدەل ماقساتتاعى 3 باتالونى تاڭدالدى. ەلوردالىق جەدەل بريگادا باسشىلىعى, باسقارما وكىلدەرى مەن وفيتسەرلەرى وز قىزمەتىندەگى تەحنيكالىق جاڭالىقتارمەن ءتانىسۋ ۇشىن كەلدى. ولارعا پلانشەتتەردىڭ تاكتيكالىق جانە تەحنيكالىق سيپاتتامالارى, ورناتىلعان باعدارلامالىق جاساقتاما مەن قوسىمشالاردىڭ مۇمكىندىكتەرى ءتۇسىندىرىلدى. مۇنداي پلانشەتتەردى پوليتسەيلەر ءوز قىزمەتتەرىندە قولدانىپ كەلەدى. كوپتەگەن ازاماتتار, اسىرەسە جۇرگىزۋشىلەر بۇل قۇرىلعىنى جول-بەكەت قىزمەت قىزمەتكەرلەرىنەن كورگەن.
Oukitel RT1 مودەلدى پلانشەتتەر اسكەرلەردىڭ قىزمەتتىك-جاۋىنگەرلىك قىزمەتىن تسيفرلاندىرۋدى قامتاماسىز ەتۋگە, بارلىق دەڭگەيلەردە شەشىم قابىلداۋدى ورتالىقتاندىرۋعا, اسكەري قىزمەتشىلەردىڭ ءوز لاۋازىمدىق مىندەتتەرىن ورىنداۋىنىڭ اقپاراتتىلىعى مەن ايقىندىلىعىن قامتاماسىز ەتۋگە, سونداي-اق جاۋىنگەرلىك قىزمەت اتقارۋ كەزىندە جەدەل جاعداي وزگەرگەن جاعدايدا ۋاقتىلى دەن قويۋ مەن شەشىم قابىلداۋعا ارنالعان. پلانشەتتەردى اسكەري بولىمدەردىڭ اسكەري قىزمەتشىلەرى قىزمەتتىك-جاۋىنگەرلىك قىزمەتتى ۇيىمداستىرۋ جانە قىزمەتتىك-جاۋىنگەرلىك مىندەتتەردى ورىنداۋ كەزىندە كۇندەلىكتى تىرشىلىك ارەكەتى جاعدايىندا دا, توتەنشە نەمەسە اسكەري جاعدايدىڭ قۇقىقتىق رەجيمدەرىن ەنگىزۋ كەزىندە دە قولداناتىن بولادى.
وسى پلانشەتتەردە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ اكىمشىلىك ىستەرىنىڭ بىرىڭعاي ءتىزىلىمى - ەاب سياقتى اقپاراتتىق جۇيەلەر مەن باعدارلامالىق قامتاماسىز ەتۋگە رۇقسات بەرىلەتىن بولادى. ەاب اقپاراتتىق جۇيەسىندە اكىمشىلىك قۇقىق بۇزۋشىلىقتار, ولاردى جاساعان ادامدار, ولار بويىنشا قابىلدانعان شەشىمدەر تۋرالى مالىمەتتەر قامتىلادى, سونداي-اق اكىمشىلىك قۇقىق بۇزۋشىلىقتار تۋرالى ىستەردى ەلەكتروندىق نىساندا جۇرگىزۋ جۇزەگە اسىرىلادى.
«Qamqor» – قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ گەواقپاراتتىق جۇيەسى كوشەدەگى قىلمىسقا ۋاقتىلى دەن قويۋ جانە ونىڭ ءوسۋىن بولدىرماۋ ماقساتىندا كوشەدەگى قىلمىسقا تالداۋ جۇرگىزۋ مۇمكىندىكتەرىمەن «قىلمىس كارتاسى»قوسىمشاسىن قامتيدى.
قر ءىىم – «قورعاۋ» ىزدەۋ جۇيەسىندە ماشينالاردىڭ مەملەكەتتىك نومىرلەرى وقىلىپ, ايىپپۇلدار مەن وزگە دە اقپاراتتاردى ولشەم شارتتار بويىنشا وڭدەۋگە بولادى, سونداي-اق جول قۇقىق بۇزۋشىنى انىقتاۋعا مۇمكىندىك بەرەدى دەلىك.
بۇدان ءارى استانالىق پاترۋلدىك پوليتسيا پولكى قىزمەتىنىڭ اعا وفيتسەرى پوليتسيا كاپيتانى دانيار الىمقۇلوۆ جانە ونى الىپ جۇرەتىن ينسپەكتور اعا لەيتەنانت رۋسلان راحيشەۆ باعدارلامالىق قامتاماسىز ەتۋ مۇمكىندىگى تۋرالى ايتىپ بەردى. ماسەلەن, كوشە كامەرالارىنىڭ دەرەكتەرىن تالداي وتىرىپ, جۇيە جاقىن ماڭداعى قىزمەتكەردىڭ پلانشەتىنە قاۋىپتى جۇرگىزۋشىنىڭ وعان جاقىنداعانى تۋرالى سيگنال بەرەدى. بۇل كەز-كەلگەن قۇقىق بۇزۋشىلىققا دايىندالىپ جاتقان جول قوزعالىسى ەرەجەلەرىن بۇزۋشى نەمەسە ماشينانى جوعارى جىلدامدىقپەن باسقاراتىن جۇرگىزۋشى بولۋى مۇمكىن. بۇدان باسقا, تۇراقتى نەگىزدە پوليتسيا دەپارتامەنتىنىڭ جبو-دان قوسىمشاعا قۇقىق بۇزۋشىلىق جاساعان ىزدەۋدە جۇرگەن ادامدارعا باعدارلاۋ كەلىپ تۇسەدى.
تيىسىنشە, جاۋىنگەرلىك قىزمەت اتقارۋ كەزىندە ۇلتتىق ۇلاننىڭ اسكەري جاساقتارى بويىنشا كەزەكشى دە پاترۋلدەۋ مارشرۋتتارىندا جەدەل جاعدايعا يە بولادى, بۇل وعان ۋاقتىلى دەن قويۋعا جانە كۇشتەر مەن قۇرالداردى قاجەتتى باسقارۋدى جۇزەگە اسىرۋعا مۇمكىندىك بەرەدى.
ايتا كەتۋ كەرەك, قۇقىقتىق ءتارتىپ اسكەرلەرىنىڭ وز باعدارلامالارى دا ورناتىلادى. باك – ۇلتتىق ۇلاننىڭ وسى باعدارلامالىق قامتاماسىز ەتۋى قىزمەتتىك-جاۋىنگەرلىك قىزمەت بارىسىندا جەدەل اقپارات جيناۋعا, كەيىننەن تالداۋ جاساۋعا جانە ۇلتتىق ۇلان بولىمشەلەرىنىڭ لاۋازىمدى ادامدارىن كۇندەلىكتى ومىردە, توتەنشە جاعداي تۋىنداعان كەزەڭدە حرونولوگيالىق تارتىپپەن وتكىزىلەتىن ءىس-شارالار تۋرالى حاباردار ەتۋگە جانە كوماندالىق-شتابتىق وقۋ-جاتتىعۋلار مەن شتابتىق جاتتىعۋلار وتكىزۋگە ارنالعان بىرىڭعاي اقپاراتتىق كەڭىستىك.
ۇلتتىق ۇلاننىڭ انىقتامالىق جۇيەسى جانە ۇلتتىق ۇلان اكادەمياسىنىڭ ەلەكتروندىق كىتاپحاناسى ءوز سەرۆيستىك باعدارلامالارىنا قوسىمشا قوسىلعان. «Linphone» قوسىمشاسى – ىشكى تەلەفون نومىرلەرىنە كىرۋ ءۇشىن جانە «Maps ME» – لاۋازىمدى تۇلعالاردىڭ ورنالاسقان جەرىن كورسەتۋ ۇشىن ەرەكشە چيپ بولادى.
ءوز كەزەگىندە اقپاراتتىق قاۋىپسىزدىك بولىمشەسىنىڭ وفيتسەرلەرى پلانشەتتىك كومپيۋتەرلەردى پايدالانۋ اسپەكتىلەرىن كىمگە بەرۋگە رۇقسات ەتىلەتىنى, قۇرىلعىنى تەك قىزمەتتىك ماقساتتا پايدالانۋ قاجەتتىگى جانە تاعى باسقا اقپاراتتار جەتكىزىلدى.
ەلەكتروندىق پلانشەتتەردى ەنگىزۋ ۇلتتىق ۇلاننىڭ اسكەري قىزمەتشىلەرىن قىزمەتتىك قۇجاتتاردى تولتىرۋمەن بايلانىستى كۇندەلىكتى جۇمىستان ارىلۋعا مۇمكىندىك بەرەدى, جەرگىلىكتى جەرلەردە لاۋازىمدى تۇلعالاردىڭ ءوز مىندەتتەرىن ورىنداۋ ساپاسىن ارتتىرادى, اقپاراتتىلىقتى ارتتىرادى. ەكىنشىدەن, تسيفرلىق تەحنولوگيالاردى ەنگىزۋ ونلاين رەجيمىندە بولىپ جاتقان وقيعالار تۋرالى بارلىق اقپاراتتى عانا ەمەس, ولارعا جەدەل ارەكەت ەتۋگە مۇمكىندىك بەرەدى جانە جاۋىنگەرلىك قىزمەتتى اتقارۋدىڭ ساپاسى مەن تيىمدىلىگىنە اسەر ەتەدى.