پاريج وليمپياداسىنا وسى اي مەرزىمىندە قانداي سپورت تۇرلەرىنەن جولدامالار ساراپقا سالىناتىنى انىقتالعان. سول جارىستار قازاقستان سپورتشىلارىنىڭ قاتىسۋىمەن وتەدى, دەپ جازادى Egemen.kz.
سپورتتى دامىتۋ ديرەكتسياسىنىڭ مالىمدەۋىنشە, وسى كۇنى يندونەزيا استاناسى دجاكارتادا نىسانا كوزدەۋدەن ازيا چەمپيوناتى ءوتىپ جاتىر. اتالعان دودا قاڭتاردىڭ 18-ىنە دەيىن وتەدى.
ال قاڭتاردىڭ 12-22 كۇندەرى ارالىعىندا كۋۆەيتتىڭ ەل-كۋۆەيت قالاسىندا ستەند اتۋدان ازيا چەمپيوناتىندا الداعى جازعى وليمپياداعا جولداما بەرىلەدى.
سونىمەن قاتار 20 قاڭتاردا WA ءنورماتيۆى بويىنشا سپورتتىق جۇرۋدەن تۇركيانىڭ اشىق چەمپيوناتى بايراعىن جەلبىرەتسە, 27 قاڭتاردا استانا قالاسىندا ءامين تۇياقوۆ جۇلدەسىنە ارنالعان الەمدىك تۋرنير بولادى.
پورتۋگاليانىڭ وديۆالوس قالاسىندا وسى ايدىڭ 26-28 كۇندەرى ارالىعىندا دزيۋدودان ەرلەر مەن ايەلدەر اراسىندا رەيتينگتىك ۇپاي بەرىلەتىن «Grand Prix Portugal» تۋرنيرى وتەدى.
سەمسەرلەسۋ شەبەرلەرى 12-24 قاڭتار كۇندەرى تۋنيس ەلىندە باسەكەلەسسە, 29-31 قاڭتار ارالىعىندا كاتار استاناسى دوحا قالاسىندا سەمسەرلەسۋدەن گران-پري وتەدى.