پارلامەنت سەناتى جوعارعى سوتتىڭ ءتورت سۋدياسىن قىزمەتىنەن بوساتۋدى ماقۇلدادى, دەپ حابارلايدى Egemen.kz.
پرەزيدەنت ۇسىنىسىن جوعارعى سوت كەڭەسىنىڭ توراعاسى دەنيس شيپپ وقىدى.
«سىزدەردىڭ قاراۋلارىڭىزعا جوعارعى سوت سۋديالارى اقىلتاي قاسيموۆتى, الفيا سابينوۆانى جانە ايگۇل ساپپاروۆانى وتستاۆكاعا كەتۋىنە بايلانىستى, سونداي-اق ەربول يسمايلوۆتى باسقا قىزمەتكە اۋىسۋىنا بايلانىستى قىزمەتىنەن بوساتۋ تۋرالى مەملەكەت باسشىسىنىڭ ۇسىنىسىن ەنگىزۋدى سۇرايمىز», دەدى ول.
ا.سابينوۆا مەن ا.ساپپاروۆا زەينەتكەرلىك جاسقا جەتتى, ال ا.قاسيموۆ سۋديالىق قىزمەتتە بولۋدىڭ شەكتى جاسى – 67 جاسقا تولدى.
ەربول يسمايلوۆ 2024 جىلدىڭ 1 قاڭتارىنان باستاپ ەۋرازيالىق ەكونوميكالىق وداق سوتىنىڭ سۋدياسى لاۋازىمىنا تاعايىندالدى.