تەلە-راديو ارنالاردىڭ تىزبەسىن قالىپتاستىرۋ بويىنشا كونكۋرس وتەدى

ەركىن قولجەتىمدى تەلە-راديو ارنالار تىزبەسىن قالىپتاستىرۋ كوپ ارنالى حابار تاراتۋدىڭ ورتاسىنا (تسيفرلىق ەفيرلىك, سپۋتنيكتىك تەلەراديو حابارلارىن تاراتۋ) بايلانىستى جۇزەگە اسىرىلادى.

قاعيدالارعا سايكەس كونۆەرتتەردى اشۋ 30 قاڭتاردا ساعات 16.00-دە استانا قالاسى, ماڭگىلىك ەل كوشەسى, 8 (مينيسترلىكتەر ءۇيى), 14-كىرەبەرىس (745-كابينەت) وتەدى.   كونكۋرس قورىتىندىسى كونۆەرت اشىلعان كۇننەن باستاپ ون بەس جۇمىس كۇنىنەن اسپايتىن مەرزىمدە شىعارىلادى.

ەلدى مەكەندەردىڭ (اۋماعىن) اتاۋى كورسەتىلگەن راديوتەلەۆيزيالىق ستانتسيالار (بۇدان ءارى – رتس) تۋرالى دەرەكتەر قوسا بەرىلەدى.

ۇمىتكەرلەردىڭ كونكۋرستىق ۇسىنىستارى كەلەسىدەي قۇجاتتاردى قامتۋى ءتيىس:

شىعارماشىلىق ۇسىنىستار

1) تەلە-راديو ارنانىڭ حابار تاراتۋ تورىن (كەلەسى ايعا);

2) مىناداي مالىمەتتەردى قامتيتىن اقپارات ۇسىنادى:

– تەلە-راديو ارنانىڭ تاقىرىپتىق باعىتى جانە ولاردىڭ جانرلىق اراقاتىناسى (اقپاراتتىق, اناليتيكالىق, پۋبليتسيستيكالىق, جاستار جانە بالالار, مۋزىكالىق تەلە-راديو باعدارلامالار جانە كوركەم, دەرەكتى فيلمدەر);

– حابار تاراتۋدىڭ تىلدىك اراقاتىناسى, قازاق تىلىندە تەلە-, راديوباعدارلامالاردى ترانسلياتسيالاۋ ۋاقىتى;

– مەنشىكتى تەلە-راديو باعدارلامالاردىڭ, ساتىپ الىناتىن تەلە, راديوباعدارلامالاردىڭ جانە رەترانسلياتسيانىڭ اراقاتىناسى;

– حابار تاراتۋدىڭ ورتاشا تاۋلىكتىك ۋاقىتى;

– شىعارماشىلىق جانە تەحنيكالىق قىزمەتكەرلەردىڭ ساندىق ماندەگى كادرلىق الەۋەتى.

تەحنيكالىق ۇسىنىستار

ۇمىتكەر ۇسىنادى:

1) تەلە-راديو باعدارلامالار ءوندىرىسىنىڭ ستاتسيونارلىق ستۋديالىق جابدىعىنىڭ بولۋى, جاي-كۇيى جانە ءتيپى تۋرالى اقپارات;

2) اپپاراتتىق-ستۋديالىق كەشەننىڭ تەحنيكالىق سيپاتتامالارى;

3) ءتيىستى ستاندارتتاردى كورسەتە وتىرىپ, دىبىس پەن كەسكىنىنىڭ ساپاسى جوعارى تەلە-راديو باعدارلامالاردى ەفيرگە بەرۋ جونىندەگى مىندەتتەمەلەر;

4) ستۋديالىق كەشەننىڭ ورنالاسقان جەرى, تەلە-راديو ارنانى تەلەراديو حابارلارىن تاراتۋ وپەراتورلارىنا بەرۋ ءتاسىلى تۋرالى اقپارات;

5) سيگنالدى (تەلە-راديو ارنانى) ۇلتتىق وپەراتور جەلىسىنە التى اي ىشىندە جەتكىزۋدى قامتاماسىز ەتۋ جونىندەگى مىندەتتەمەلەر.

زاڭدى جانە قارجىلىق ۇسىنىستار

تولەم قابىلەتتىلىگىن جانە قارجىلىق تۇراقتىلىعىن راستايتىن قۇجاتتار, ونىڭ ىشىندە:

– ۇمىتكەردىڭ قازاقستان رەسپۋبليكاسىنىڭ ەكىنشى دەڭگەيدەگى بانكتەرىندەگى شوتتارى بويىنشا اقشا قالدىقتارى مەن قوزعالىسى تۋرالى ءۇزىندى-كوشىرمە (-لەر);

– قازاقستان رەسپۋبليكاسىنىڭ بۋحگالتەرلىك ەسەپ جانە قارجىلىق ەسەپتىلىك تۋرالى زاڭناماسىنا سايكەس كونكۋرسقا قاتىسۋعا ءوتىنىم بەرىلگەن كۇننىڭ الدىنداعى كۇنتىزبەلىك جىل ءۇشىن جاسالعان ۇمىتكەردىڭ قارجىلىق ەسەپتىلىگى, ال قازاقستان رەسپۋبليكاسىنىڭ اۋماعىندا تاراتۋ ءۇشىن كونكۋرسقا قاتىساتىن ۇمىتكەرلەر ءۇشىن قازاقستان رەسپۋبليكاسىنىڭ اۋديتورلىق قىزمەت تۋرالى زاڭناماسىنا سايكەس جاسالعان اۋديتورلىق ەسەپپەن راستالعان قارجىلىق ەسەپتىلىك;

– ۇمىتكەردىڭ سالىق بەرەشەگىنىڭ, سونداي-اق, مىندەتتى تولەمدەر بويىنشا بەرەشەگىنىڭ جوق ەكەندىگى تۋرالى كونكۋرس وتكىزۋ تۋرالى اقپاراتتىق حابارلاما جاريالانعان كۇننەن بۇرىن بەرىلگەن سالىق ورگانىنىڭ انىقتاماسى;

– تەلەراديو حابارلارىن تاراتۋدىڭ ۇلتتىق وپەراتورىنا تسيفرلىق ەفيرلىك جانە جەرسەرىكتىك تەلەراديو حابارلارىن تاراتۋ جەلىسى بويىنشا تەلە-راديو ارنانى تاراتقانى ءۇشىن ۇلتتىق تەلەراديو حابارلارىن تاراتۋ وپەراتورىنا انىقتاما بەرىلگەن كۇننىڭ الدىنداعى 1 ايدان اسا سوزىلعان مەرزىمى وتكەن بەرەشەكتىڭ جوقتىعى تۋرالى انىقتاما.

كونكۋرستىق قۇجاتتاردى ۇيىمداستىرۋشىنىڭ مەكەنجايىنا تىركەلگەن, نومىرلەنگەن تۇردە جانە سوڭعى بەتتىڭ سىرتىندا ۇمىتكەردىڭ ۋاكىلەتتى تۇلعاسىنىڭ قولى جانە مورمەن (بولعان جاعدايدا) بەكىتىلىپ, اۋزى جابىلعان كونۆەرتتە ۇسىنادى جانە مىناداي تالاپتاردى ساقتايدى:

كونكۋرسقا قاتىسۋعا ءوتىنىم سالىنعان, مورلەنگەن كونۆەرتتىڭ بەتكى جاعىندا ۇمىتكەر ۇيىمداستىرۋشىنىڭ جانە ۇمىتكەردىڭ تولىق اتاۋى مەن پوشتالىق مەكەنجايىن كورسەتۋى ءتيىس; قۇجاتتاردى قابىلداۋدى جۇزەگە اسىراتىن تۇلعا كونكۋرسقا قاتىسۋعا وتىنىمدەر سالىنعان كونۆەرتتەردى ۇسىنعان كونكۋرسقا قاتىسۋعا ۇمىتكەرلەردىڭ وتىنىمدەرىن بەلگىلەنگەن مەرزىم وتكەنگە دەيىن تىركەۋ جۋرنالىنا ەنگىزەدى.

كونكۋرستىق قۇجاتتار كەلەسى مەكەنجاي بويىنشا قابىلدانادى: استانا قالاسى, ماڭگىلىك ەل داڭعىلى, 8 (مينيسترلىكتەر ءۇيى), 14 كىرەبەرىس, 972 كابينەت, مادەنيەت جانە اقپارات مينيسترلىگى.

وتىنىمدەردى قابىلداۋ ولارعا قوسا بەرىلگەن قۇجاتتارمەن بىرگە اقپاراتتىق حابارلاما رەسمي جاريالانعان كۇننەن باستالادى جانە سەنبى مەن جەكسەنبىدەن باسقا كۇندەرى اراسىنداعى ساعات 13.00-دەن 14.30-عا دەيىنگى ءۇزىلىستى قوسپاعاندا  ساعات 9.00-دەن 18.30-عا دەيىن قابىلدانادى جانە 29 قاڭتاردا ساعات 12.00-دە اياقتالادى.

قوسىمشا اقپارات الۋعا ارنالعان بايلانىس تەلەفوندارى: 8 (7172) 74-13-12, 74-10-12, 74-02-64.