قازاقستان رەسپۋبليكاسىنىڭ 2024 جىلعى اباي اتىنداعى ادەبيەت جانە ونەر سالاسىنداعى مەملەكەتتىك سىيلىعىنا بايقاۋ جاريالاندى. وتىنىشتەر مەن جۇمىستار 1 ناۋرىزعا دەيىن قابىلدانادى, دەپ حابارلايدى Egemen.kz.
اتالعان سىيلىق قازاقستان مادەنيەتىنىڭ دامۋىنا ەرەكشە قۇندى ۇلەس دەپ تانىلعان ادەبيەت پەن ونەردەگى كورنەكتى ەڭبەكتەر ءۇشىن قر ازاماتتارىنا جانە شەتەلدىكتەرگە بەرىلەدى.
شارتقا سايكەس, سىيلىققا جۇمىستاردى ۇسىنۋدى مەملەكەتتىك ورگاندار, شىعارماشىلىق وداقتار مەن توپتار جۇزەگە اسىرادى. اباي اتىنداعى مەملەكەتتىك سىيلىققا جۇمىستاردى قابىلداۋ اياقتالعانعا دەيىن بەس جىلدان اسپايتىن ۋاقىتتا جانە كەمىندە ءبىر جىل بۇرىن (2024 جىلدىڭ 1 ناۋرىزىنا دەيىن) كوپشىلىك اينالىم ءۇشىن ورىندالعان ءبىر اۆتوردىڭ نەمەسە اۆتورلار ۇجىمىنىڭ جۇمىستارى ء(بىر جۇمىس) ۇسىنىلا الادى.
بايقاۋعا قاتىسۋ ەرەجەلەرىمەن جانە جۇمىستاردى تىركەۋ ءۇشىن قاجەتتى قۇجاتتار تىزبەسىمەن مادەنيەت جانە اقپارات مينيسترلىگىنىڭ سايتىندا تانىسۋعا بولادى.