الەمگە تانىمال ءانشى ديماش قۇدايبەرگەن الەۋمەتتىك جەلىدەگى پاراقشاسىندا ءىنىسى ءابىلمانسۇر قۇدايبەرگەندى تۋعان كۇنىمەن قۇتتىقتادى, دەپ جازادى Egemen.kz.
بۇگىن ءانشى ديماش قۇدايبەرگەننىڭ تۋعان ءىنىسى ءابىلمانسۇر 17 جاسقا تولدى.
«بۇگىن مەنىڭ ءىنىم 17 جاسقا تولدى. ونەرىڭ اسقاقتاي بەرسىن! مانسۇرتاي, ساعان ۇلكەن شىعارماشىلىق تابىستارمەن قوسا, قاراپايىم ادامي باقىت تىلەيمىن. ۇلكەنگە قۇرمەت, كىشىگە ىزەت كورسەتىپ, حالىقتىڭ كوزايىمى بول. باسقا دا تىلەكتەرىمدى تەلەفونمەن وزىڭە ايتىپ جەتكىزدىم», دەپ جازدى ديماش Instagram پاراقشاسىندا.
سونداي-اق ءانشى ءوز وقىرماندارىنا مانسۇردىڭ ونەر كورسەتىپ جاتقانى بەينەلەنگەن ۆيدەو ۇسىندى.