پاريج جازعى وليمپياداسىنىڭ باستالۋىنا دا التى ايدان اسا ۋاقىت قالدى. 26 شىلدەدە جالاۋى جەلبىرەپ, 11 تامىزدا تۇڭلىگى تۇسىرىلەتىن تورتجىلدىق الامانعا الەمنىڭ 200-دەن اسا ەلىنەن 10 مىڭنان استام سپورتشى قاتىسادى.
32 سپورت تۇرىنەن 329 مەدال جيىنتىعى ءۇشىن دوداعا قوسىلاتىن ساڭلاقتاردىڭ اراسىندا ءبىزدىڭ دە سپورتشىلار بار. ازىرگە ەنشىمىزگە سپورتتىڭ 8 ءتۇرى بويىنشا 17 ليتسەنزيا بۇيىردى.
پاريج وليمپياداسىنا دەيىن 90-عا تارتا ليتسەنزيا تاراتىلاتىن تۋرنير بار. 17 جولداما ساداق اتۋ, ۆەلوشوسسە, وق اتۋ, قازىرگى بەسسايىس, گرەك ريم جانە ەركىن كۇرەس, بوكس, سپورتتىق گيمناستيكادان بۇيىردى.