پرەمەر-مينيستر ء اليحان سمايىلوۆ «24KZ» تەلەارناسىنا بەرگەن سۇحباتىندا وڭىرلەردە جىلۋ, ەنەرگيا جانە سۋمەن جابدىقتاۋ سالاسىندا جيناقتالعان پروبلەمالاردى شەشۋ ءۇشىن قانداي شارالار قابىلدانىپ جاتقانى تۋرالى ايتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ۇكىمەت باسشىسى تەلەارنا تىلشىلەرىنە بەرگەن سۇحباتىندا بۇعان دەيىن ينفراقۇرىلىمدى جاڭعىرتۋ ماسەلەلەرىنە جەتكىلىكتى كوڭىل بولىنبەگەنىن ايتتى.
«بىرنەشە جىلدان بەرى تاريفتەر جاساندى تۇردە تەجەلدى, ياعني كوتەرىلمەدى. جىلۋ, ەنەرگيا, سۋمەن قامتاماسىز ەتۋ جانە سۋ بۇرۋ جەلىلەرىن جاڭعىرتۋعا جانە كۇردەلى جوندەۋگە قاراجات سالىنعان جوق. ينفراقۇرىلىم ابدەن توزعان, ءتىپتى كەي جەرلەردە جاعداي وتە قيىن بولدى. سوندىقتان بيىل ينفراقۇرىلىمدى جاڭارتۋ جانە جوندەۋ بويىنشا بۇرىن-سوڭدى بولماعان شارالار قابىلدادىق. مۇنداي جۇمىستى ءبىر جىلدىڭ ىشىندە جاساۋ مۇمكىن ەمەس. جۇمىس تۇراقتى نەگىزدە ءجۇرۋى كەرەك. ول ءۇشىن ءبىز ارنايى ء«تاريفتى ينۆەستيتسياعا ايىرباستاۋ» باعدارلاماسىن قابىلدادىق. توزۋدى نورماتيۆتىك دەڭگەيگە دەيىن تومەندەتۋ ءۇشىن بۇل جۇمىستاردىڭ بارلىعى ەڭ كەمى 5-6 جىل بويى ءجۇرۋى كەرەك. جاعداي بىرتىندەپ تۇزەلەدى», دەدى ءا.سمايىلوۆ.
وسى ۋاقىتقا دەيىن مەملەكەت جەلىلەردىڭ بارلىعىن جاڭعىرتۋعا جانە كۇردەلى جوندەۋگە شامامەن 300 ملرد تەڭگە جۇمسادى. جەو-دىڭ مەنشىك يەلەرى دە ءتيىستى جۇمىس جۇرگىزىپ, ەنەرگيا كوزدەرىن جوندەۋگە 19 ملرد تەڭگە قاراجاتىن شىعىنداعان.