مەملەكەت باسشىسىنىڭ وكىمىمەن ەرلان ساپار ۇلى ورازباي قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى لاۋازىمىنان بوساتىلدى. بۇل تۋرالى اقوردانىڭ ءباسپاسوز قىزمەتى حابارلادى, دەپ جازادى Egemen.kz.
ورازباي ەرلان ساپار ۇلى 1979 جىلعى 13 قاراشادا وزبەكستاندا تاشكەنت وبلىسىنىڭ چيرليك قالاسىندا تۋعان.
2011 جىلى «تۇران استانا» ۋنيۆەرسيتەتىن, 2016 جىلى قازاق تەحنولوگيا جانە بيزنەس ۋنيۆەرسيتەتىن بىتىرگەن, ەكونوميكا جانە بيزنەس ماگيسترى.
ەڭبەك جولىن 2002 جىلى قازاقستان رەسپۋبليكاسى پرەزيدەنتى ءىس باسقارماسىنىڭ «مەملەكەتتىك رەزيدەنتسيالار ديرەكتسياسى» رمك «سالتانات سارايى» قابىلداۋ ءۇيىنىڭ داياشىسى بولىپ باستاعان.
2004 – 2005 جىلدارى قازاقستان رەسپۋبليكاسى پرەزيدەنتى ءىس باسقارماسىنىڭ «مەملەكەتتىك رەزيدەنتسيالار ديرەكتسياسى» رمك № 1 اسحاناسىنىڭ داياشىسى بولىپ جۇمىس ىستەگەن.
2005 – 2012 جىلدارى قازاقستان رەسپۋبليكاسى پرەزيدەنتى ءىس باسقارماسىنىڭ «مەملەكەتتىك رەزيدەنتسيالار ديرەكتسياسى» رمك-نىڭ «اقوردا» رەزيدەنتسياسىنداعى اسحاناسىنىڭ داياشىسى.
2012 – 2013 جىلدارى قازاقستان رەسپۋبليكاسى پرەزيدەنتى ءىس باسقارماسىنىڭ «مەملەكەتتىك رەزيدەنتسيالار ديرەكتسياسى» رمك № 1 اسحاناسىنىڭ مەتردوتەلى, قازاقستان رەسپۋبليكاسى پرەزيدەنتى ءىس باسقارماسىنىڭ «قاراوتكەل» رمك «قىزىلجار» رەزيدەنتسياسىنىڭ مەتردوتەلى.
2013 – 2017 جىلدارى قازاقستان رەسپۋبليكاسى پرەزيدەنتى ءىس باسقارماسىنىڭ «قاراوتكەل» رمك ديرەكتورى.
2017 – 2019 جىلدارى قازاقستان رەسپۋبليكاسى پرەزيدەنتى ءىس باسقارماسىنىڭ «مەملەكەتتىك رەزيدەنتسيالار ديرەكتسياسى» رمك ديرەكتورىنىڭ ورىنباسارى.
2019 جىلعى 26 جەلتوقساندا قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى بولىپ تاعايىندالدى.