«نەمولچي.kz» زورلىق-زومبىلىققا قارسى قوعامدىق قورىنىڭ باسشىسى دينا تاڭسارىگە ىزدەۋ جاريالاندى. بۇل جونىندە قۇقىقتىق ستاتيستيكا جانە ارنايى ەسەپكە الۋ سايتىندا جاريالاندى, دەپ حابارلايدى Egemen.kz.
قازاقستان ىشكى ىستەر مينيسترلىگىنىڭ باستاماسىمەن دينا تاڭسارىگە ىزدەۋ جاريالاندى. ىزدەۋگە بايلانىستى ءىس شىعىس قازاقستان وبلىسىندا 27 جەلتوقساندا تىركەلگەن.
ەسكە سالا كەتەيىك, شىعىس قازاقستان وبلىسىنىڭ پوليتسيا دەپارتامەنتى دينا ءتاڭسارى الاياقتىق جاسادى دەگەن كۇدىككە ىلىنگەنىن حابارلاعان بولاتىن.
«2023 جىلدىڭ 6 قازانىندا وسكەمەن قالاسى ەرتىس اۋداندىق پوليتسيا باسقارماسى قىلمىستىق كودەكستىڭ 190-بابى 3-بولىگى «الاياقتىق» بويىنشا سوتقا دەيىنگى تەرگەۋ امالدارىن باستادى. قازىرگى ۋاقىتتا ءتيىستى تەرگەۋ امالدارى جۇرگىزىلىپ جاتىر. ونىڭ قورىتىندىسى بويىنشا قۇقىقتىق باعا بەرىلەدى», دەلىنگەن حابارلامادا.
«نەمولچيKZ» قوعامدىق قورى ەلدە بولىپ جاتقان تۇرىستىق زورلىق-زومبىلىق ماسەلەلەرىن كوتەرىپ, زارداپ شەككەن ادامدارعا قۇقىقتىق جانە ماتەريالدىق كومەك كورسەتۋمەن اينالىسادى.