بوكستان ۇلتتىق قۇرامانىڭ باس باپكەرى مىرزاعالي ايتجانوۆ Qazaq ring يۋتۋب ارناسىنا بەرگەن سۇحباتىندا قىتايدىڭ حانچجوۋ قالاسىندا وتكەن جازعى ازيا ويىندارىنداعى ساتسىزدىكتىڭ سەبەبىن ايتتى, دەپ حابارلايدى Egemen.kz.
«بيىلعى كوكتەمدە تاشكەنتتە وتكەن الەم چەمپيوناتىندا 4 التىن 1 كۇمىس مەدال ولجالادىق. كۇزدە حانچجوۋداعى جازعى ازيا ويىندارىندا كوزدەگەن مەجەدەن كورىنە المادىق. جەڭىلىستىڭ سان ءتۇرلى سەبەبى بار. ءار بوكسشىنىڭ كەمشىلىگىن, قاتەلىگىن جەتە بىلەمىز. وزدەرىنە بۇل جايىندا ايتىلدى دا. وليمپيادالىق تسيكلعا ءتورت جىل دايىندىق جۇرگىزىلەدى. ءبىز ءبىر جارىم جىلداي ۋاقىتتىڭ ىشىندە كوماندانى نىعايتىپ, كۇشەيتۋگە كۇش سالدىق. ەندىگى ماقساتىمىز ايقىن: كەلەسى جىلى ەكى بىردەي ليتسەنزيالىق تۋرنير بار. سول دودادا جولداما ولجالاپ, پاريج وليمپياداسىنا تىڭعىلىقتى دايىندالۋ. ءبارى دە تەك ەڭبەكپەن عانا كەلەدى. فرانتسيا تورىندە وتەتىن تورتجىلدىق دوداسىندا ءانۇرانىمىزدى شىرقاتۋعا بارىمىزدى سالامىز», دەدى م.ايتجانوۆ.