2024 جىلى قازاقستان حالقى 249 كۇن جۇمىس ىستەسە, 117 كۇن دەمالادى, دەپ حابارلايدى Egemen.kz.
كەلەسى جىلى جۇمىس كۇندەرى اۋىستىرىلمايدى. بەس كۇن جۇمىس ىستەيتىندەرگە ارنالعان كۇنتىزبە: جاڭا جىلدا دەمالىس از اي - ءساۋىر, بۇل ايدا 22 كۇن جۇمىس, 8 كۇن دەمالىس بولادى. ودان كەيىن اقپان, بۇل جولى اقپاندا 29 كۇن بولادى, ونىڭ ىشىندە 8 كۇن دەمالىس, بىراق 21 جۇمىس كۇنى بار.
قازاقستاندىقتار ناۋرىزدا از جۇمىس ىستەيدى. بۇل ايدا بارلىعى 17 جۇمىس كۇنى جانە 14 دەمالىس كۇنى بولادى.
2024 جىلعى ەڭ ۇزاق دەمالىس قاڭتار جانە ناۋرىز ايلارىندا بولادى. جاڭا جىلعا وراي 2023 جىلعى 30 جانە 31 جەلتوقساندى قوسقاندا, 4 كۇن دەمالىس بولادى. ناۋرىزدا حالىقارالىق ايەلدەر كۇنىنە وراي قاتارىنان 3 دەمالىس كۇن جانە ناۋرىز مەرەكەسىنە وراي 5 دەمالىس كۇن بولادى.
شامامەن 16 ماۋسىمدا (ناقتى كۇنىن ەڭبەك جانە حالىقتى الەۋمەتتىك قورعاۋ مينيسترلىگى ءالى بەكىتپەگەن - ەسك.) قازاقستاندىقتار قۇربان ايتتى تويلايدى. قۇربان ايت جانە پراۆوسلاۆيەلىك روجدەستۆو سياقتى ءدىني مەرەكەلەر قازاقستاندا دەمالىس كۇندەرى سانالادى, بىراق بۇل ەكى كۇن دە جاڭا جىلدا جەكسەنبىگە سايكەس كەلەدى.
شىلدەدە استانا كۇنى دەمالىس كۇنىنە سايكەس كەلۋىنە وراي 3 دەمالىس كۇنى كۇتىلەدى. تامىز ايىندا دا كونستيتۋتسيا كۇنىنە وراي 3 دەمالىس كۇنى بولادى. ال قازان ايىندا رەسپۋبليكا كۇنىنە وراي 3 كۇن, جەلتوقساندا تاۋەلسىزدىك كۇنىنە وراي 3 كۇن دەمالىس بولادى.