بۇگىن سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتتى. سەناتورلار كۇن تارتىبىنە شىعارىلعان زاڭداردى قارادى, دەپ حابارلايدى Egemen.kz.
سەنات دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە «ازاماتتارعا ارنالعان ۇكىمەت» مەملەكەتتىك كورپوراتسياسى, «استانا حاب» حالىقارالىق تەحنولوگيالىق پاركى جانە داكتيلوسكوپيالىق تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى ەكى وقىلىمدا قاراپ, ماقۇلدادى.
بۇل قۇجات مەملەكەتتىك قىزمەت كورسەتۋ سالاسىنداعى زاڭنامانى جەتىلدىرۋگە باعىتتالعان.
زاڭدا «استانا حاب» حالىقارالىق تەحنولوگيالىق پاركىنىڭ قىزمەتىنە جانە داكتيلوسكوپيالىق تىركەۋگە قاتىستى تۇزەتۋلەر دە قاراستىرىلعان.
ناقتى ايتقاندا, زاڭ «ازاماتتارعا ارنالعان ۇكىمەت» مەملەكەتتىك كورپوراتسياسى قىزمەتكەرلەرىنىڭ جاۋاپكەرشىلىگىن كۇشەيتەدى. سونداي-اق قازاقستان ازاماتتارىن ەرىكتى تۇردە داكتيلوسكوپيالىق تىركەۋدى كوزدەيدى.
ماۋلەن اشىمباەۆ اتاپ وتكەندەي, بۇل شارالار ازاماتتاردىڭ قۇقىقتارىن قورعاۋ تەتىكتەرىن نىعايتۋعا مۇمكىندىك بەرەدى.