قوستاناي وبلىسىنىڭ رۋدنىي قالاسىندا جان تۇرشىگەرلىك قىلمىس ورىن الدى. قوقىس جاشىگىنەن سومكەگە سالىنعان جاڭا تۋعان نارەستەنىڭ دەنەسى تابىلدى, دەپ حابارلايدى Egemen.kz.
«گولوس نارودا» باسىلىمىنىڭ جازۋىنشا, ايماقتاعى پوليتسيا دەپارتامەنتى 17 جەلتوقسان كۇنى ساعات 12.00 شاماسىندا رۋدنىي قالاسىندا كورچاگينا كوشەسىندە ورنالاسقان ۇيلەردىڭ ءبىرىنىڭ جانىنان قوقىس كونتەينەرىنەن (پوليەتيلەن پاكەتتە) جاڭا تۋعان نارەستەنىڭ دەنەسى تابىلعانىن مالىمدەدى.
«اتالمىش فاكتى بويىنشا قر قىلمىستىق كودەكسىنىڭ 100-بابى «اناسى جاڭا تۋعان نارەستەنى ءولتىرۋ» بويىنشا سوتقا دەيىنگى تەرگەۋ باستالدى.
پوليتسەيلەر قىلمىستىق قۇقىق بۇزۋشىلىقتى جاساعان ادامدى انىقتاۋ ءۇشىن بارلىق قاجەتتى تەرگەۋ امالدارى مەن جەدەل ىزدەستىرۋ شارالارىن جۇرگىزىپ جاتىر», - دەلىنگەن حابارلامادا.
وسى قىلمىستىڭ كۋاگەرى بولسا, پوليتسياعا 52-60-22, 52-59-25 تەلەفوندارى ارقىلى نەمەسە 102 تەلەفونىنا حابارلاسۋىن سۇرايمىز.