2023 جىلدىڭ 17 جەلتوقسانىندا الماتى ىرگەسىندەگى گۇلدالا اۋىلىندا جەكە ۇيلەردە گاز جارىلىپ, ءتورت ادام زارداپ شەكتى, دەپ حابارلايدى Egemen.kz.
اكىمدىكتىڭ مالىمەتىنشە, وقيعا 17 جەلتوقسان كۇنى ساعات 06:15-تە بايتۇرسىنوۆ كوشەسى, 67-ۇيدە جانە 08:20-دا ءسۇيىنباي كوشەسى, 34-تە بولعان. جارىلىس گاز-اۋا قوسپاسىنىڭ جاناسۋىنان تۋعان.
وقيعا سالدارىنان ءتورت ادام زارداپ شەكتى, ولاردىڭ بارلىعى جەدەل تۇردە اۋرۋحاناعا جاتقىزىلدى.
«الدىن الا سەبەپ - تابيعي گاز قۇبىرىنداعى قىسىمنىڭ كوتەرىلۋى. ونىڭ سەبەبىن انىقتاۋ ءۇشىن وقيعا ورنىنا ماماندار جىبەرىلدى», - دەلىنگەن اكىمدىك حابارلاماسىندا.
وقيعا ورنىنا اۋدان اكىمى تاڭات ايداربەكوۆ بارىپ, زارداپ شەككەن وتباسىلاردىڭ جاعدايىمەن تانىستى.
گۇلدالى اۋىلدىق وكرۋگى اكىمىنىڭ اپپاراتى مەن اۋداندىق توتەنشە جاعدايلار بولىمىنە پروفيلاكتيكالىق ءىس-شارالاردى ۇيىمداستىرۋ, ارالاۋ جانە تۇرعىن ۇيلەردى تەكسەرۋ تاپسىرىلدى.