قازاقستان تەمىر جولى كومپانياسى جامبىل وبلىسىنداعى قولايسىز اۋا رايىنا بايلانىستى پويىزدار كەستەسىندە ءتۇرلى وزگەرىستەر بولىپ جاتقانىن ءمالىم قىلدى. ونىڭ ىشىندە 23 باعىتتاعى پويىزدىڭ قىزمەتى ۋاقىتشا توقتاتىلدى, دەپ جازادى Egemen.kz.
قولايسىز اۋا رايىنا بايلانىستى پويىزدا ءجۇرۋ ۋاقىتىنان 2-27 ساعات ارالىعىندا كەيىنگە شەگەرىلىپ جاتىر. كەيبىر پويىزدار, ءتىپتى, كەستەدەن الىنىپ تاستالعان.
ۋاقىتشا جولعا شىقپايتىن پويىز باعىتتارىن مىنا جەردەن كورە الاسىزدار.
«قازاقستان تەمىر جولى» كومپانياسىنىڭ حابارلاۋىنشا, جولاۋشىلار پويىزدارىنىڭ ءوتۋىن قامتاماسىز ەتۋ ءۇشىن جامبىل وبلىسىنىڭ تەمىرجولشىلارى ءوڭىر ءۇشىن قالىپتان تىس قاردان جولدى تازارتۋ بويىنشا ۇزدىكسىز جۇمىس جۇرگىزىپ جاتىر. تەمىرجول توسەمىن تازارتۋ ءۇشىن ارنايى قار تازالاۋ جانە قاردان ارشۋ تەحنيكالارى جۇمىلدىرىلعان. جول ديستانتسياسىنىڭ قىزمەتكەرلەرى تەحنيكا وتە المايتىن جەرلەردى قاردان تازارتۋ جۇمىستارىن جالعاستىرۋدا.