«Qazaqstan» ارناسى حابارلاعانداي, كەيىنگى 3 جىلدا 133 كاسىبي سپورتشىنىڭ قانىنان تىيىم سالىنعان پرەپارات تابىلعان.
ۆەدومستۆو باسشىسىنىڭ پايىمىنشا, بۇعان قازاق سپورتىندا فارماكولوگيا سالاسىنىڭ دامىماي جاتقانى سەبەپ بولىپ وتىر. سوندىقتان بۇل ماسەلەنى زاڭ اياسىندا رەتتەپ, جۇيەلى جۇمىستار اتقارۋ قاجەت.
«ەلىمىز بويىنشا ەكى جوعارى وقۋ ورنىندا عانا جىلىنا 45-اق ستۋدەنتتى سپورت سالاسىنداعى مەديتسينا مامانى رەتىندە دايىنداپ شىعارادى. وسى ولقىلىقتىڭ ورنىن تولتىرۋ ماقساتىندا دەنساۋلىق ساقتاۋ مينيسترلىگىمەن بىرلەسە وتىرىپ, سپورت سالاسىنا بەيىمدەلگەن پسيحولوگ, فارماكولوگ, نۋتريتسيولوگ سياقتى سالالىق مامانداردى دايىندايتىن فاكۋلتەت اشۋ نيەتىمىز بار», دەدى ەرمەك مارجىقپاەۆ ورتالىق كوممۋنيكاتسيالار ورتالىعىندا وتكەن بريفينگ بارىسىندا.
ايا كەتسەك, قازىر ەل ورداسى استانادا ۇلتتىق سپورت ۋنيۆەرسيتەتى سالىنىپ جاتىر. جالپى, قازاقستان بويىنشا الداعى ەكى جىلدا 113 سپورت نىسانى بوي كوتەرىپ, 26-سى جوندەۋدەن وتەدى دەپ جوسپارلانىپ وتىر.