پرەمەر-ءمينيستردىڭ ءبىرىنشى ورىنباسارى رومان سكليار «Doosan Enerbility» كومپانياسىنىڭ ماركەتينگ جونىندەگى ۆيتسە-پرەزيدەنتى يۋنحو يانگپەن كەزدەستى.
كەزدەسۋ بارىسىندا يانگ مىرزا «Doosan Enerbility» كومپانياسىنىڭ ەنەرگەتيكا سالاسىنداعى ىنتىماقتاستىقتى ودان ءارى دامىتۋ بويىنشا ۇسىنىستارىمەن تانىستىردى. اتاپ ايتقاندا, ەلىمىزدە گەنەراتورلاردى, كادەگە جاراتۋ قازاندىقتارىن, جەل تۋربينالارىن قۇراستىرۋ بويىنشا وندىرىستەر, سونداي-اق تەحنولوگيالار ترانسفەرتى بويىنشا قۇزىرەت ورتالىعىن قۇرۋ تۋرالى ءسوز بولىپ وتىر.
ءوز كەزەگىندە رومان سكليار قازاقستان مەن كورەيا رەسپۋبليكاسى ستراتەگيالىق ارىپتەستەر بولىپ تابىلاتىنىن جانە «Doosan Enterbility» ينۆەستيتسيالىق ۇسىنىستارى حالىقارالىق ىنتىماقتاستىق پەن ەلدەرىمىز اراسىنداعى ءوزارا ءتيىمدى ارىپتەستىكتى نىعايتۋعا بۇدان دا ۇلكەن ىنتالاندىرۋ بەرەتىنىن اتاپ ءوتتى.
جيىن قورىتىندىسى بويىنشا مەملەكەتتىك ورگاندارعا ءتيىستى تاپسىرمالار بەرىلدى.