ءىلياس جانسۇگىروۆتىڭ بۇرىن-سوڭدى ەشكىمنىڭ قولىنا تۇسپەگەن كىتابى تابىلدى

ەلىمىزدىڭ تۇكپىر-تۇكپىرىنەن كەلگەن ءىلياستانۋشى عالىمدار مەن ستۋدەنت جاستار قاتىسقان كونفەرەنتسيادا ءى.جانسۇگىروۆتىڭ ءومىرى مەن شىعارماشىلىعى جان-جاقتى تالقىلاندى.

جيىندا بايانداما جاساعان ف.ع.ك., قاۋىمداستىرىلعان پروفەسسور, فيلولوگتاردى دايارلاۋ جونىندەگى دوتسەنت شارا قياحمەتوۆا بۇرىنعى زەرتتەۋ جۇمىستارىندا تابىلعان بىرقاتار ءدۇدامال دەرەكتى اتاپ ءوتتى.

«باتىر قالمىرزاەۆتىڭ ء«ىلياس جانسۇگىروۆ جانە «قازاق» گازەتى» اتتى ماقالاسىندا ءىلياس دەپ كورسەتكەن 1914-1916 جىلدار ارالىعىندا «قاپتاعاي» اتتى بۇركەنشىك اتپەن «قازاق» گازەتىندە جاريالانعان, قازاق حالقىنىڭ يمپەرياليستىك سوعىسقا جانە اسكەري سالىق تولەۋگە قاتىسى تۋرالى ماقالا ءبىلال سۇلەەۆكە تيەسىلى. اقىن ءومىربايانىنا سايكەس ول ءوزىنىڭ العاشقى ماقالاسىن 1921 جىلعى 22 ناۋرىزداعى «جاس الاش» گازەتىندە «زامانداستارىنا جولداۋ» دەپ اتايدى. ول تۋرالى: «1931 جىلعى «جاڭا ادەبيەت» جۋرنالىنىڭ 6-7 سانىندا جاريالانعان ءومىربايانىندا ءىلياس ءوزىنىڭ قالام جۇمىسىنا 1920 جىلدان باستاپ ارالاسا باستاعانىن جازعان», دەدى ش.قياحمەتوۆا. سونداي-اق فوتوارحيۆتەردە بەينەلەنگەن تۇلعالاردى سايكەستەندىرۋ ارقىلى دالەلدەرىن كەلتىردى.

پلەنارلىق وتىرىسقا ءال-فارابي اتىنداعى قازۇۋ-دىڭ پروفەسسورى, ف.ع.د. ساۋلە ەرجانوۆا, ف.ع.د., ء«ىلياستانۋ» عىلىمي-پراكتيكالىق ورتالىعىنىڭ مەڭگەرۋشىسى پروفەسسور مۇراتبەك يمانگازينوۆ, ف.ع.ك., قازۇقىزپۋ پروفەسسورىنىڭ م.ا., ءلاززات ادىلبەكوۆا قاتىسىپ, ءىلياس شىعارمالارىنىڭ عىلىمي-تەوريالىق ماسەلەلەرىن كوتەردى.

كونفەرەنتسيا سوڭىندا ش.قياحمەتوۆانىڭ ء«ىلياستانۋ» وقۋلىعىنىڭ تۇساۋى كەسىلدى.