الماتىدا كاسىپكەرلەرگە قىزمەت كورسەتۋدىڭ كوپفۋنكتسيونالدى ورتالىعى (كقكو) جۇمىس ىستەي باستادى. «ازاماتتارعا ارنالعان ۇكىمەت» مەملەكەتتىك كورپوراتسياسى مەن «اتامەكەن» ۇلتتىق پالاتاسى اراسىنداعى ءوزارا ىنتىماقتاستىق تۋرالى بىرلەسكەن مەموراندۋمنىڭ اياسىندا جۇزەگە اسىپ وتىر.
كاسىپكەرلەرگە قىزمەت كورسەتۋدىڭ كوپفۋنكتسيونالدى ورتالىعىن اشۋ - پرەزيدەنتىمىزدىڭ بيزنەس ءۇشىن ۇكىمەت قۇرۋ جونىندەگى تاپسىرماسىن ىسكە اسىرۋداعى كەزەكتى قادام. وسىعان دەيىن مۇنداي ورتالىقتار استانا, شىمكەنت قالالارىندا اشىلعان بولاتىن. مۇندا قالاداعى مەملەكەتتىك ورگاندار مەن بانكتەردىڭ وكىلدەرى ورنالاسقان. كاسىپكەرلەرگە مىڭعا جۋىق قىزمەت ءتۇرى كورسەتىلەدى. كاسىپكەرلەر بارلىق قىزمەتتەردى ءبىر جەردە جانە ءبىر ءوتىنىش بويىنشا الا الادى.
«كاسىپكەرلەرگە قىزمەت كورسەتۋدىڭ كوپفۋنكتسيونالدى ورتالىعىندا حقو مامانى دا قىزمەت كورسەتىپ وتىر. ول اشىلعالى بەرى, 10 كۇن ىشىندە 1 مىڭنان اسا قىزمەت كورسەتىپ ۇلگەردى. ازاماتتار كوبىنە مەملەكەتتىك قىزمەتتەردى ونلاين الۋ بويىنشا كەڭەستەر الۋعا جۇگىنۋدە. سونىمەن قاتار جەكە كاسىپكەر رەتىندە تىركەلۋ, جاۋاپكەرشىلىگى شەكتەۋلى سەرىكتەس اشۋ, ءبىرىنشى نەسيە بيۋروسى انىقتامالارىن الۋ, ەلەكتروندىق ساندىق قولتاڭبا جاساتۋ سياقتى ازاماتتارعا بيزنەس جوسپارلارىن ىسكە اسىرۋ ءۇشىن قاجەتتى مەملەكەتتىك قىزمەتتەردى دە ۇسىنادى.
ورتالىقتا سەرۆيستىك قىزمەتتەر كورسەتۋ, حالىقتىڭ كاسىپكەرلىك ساۋاتتىلىعىن ارتتىرۋ, بارلىق كەزەڭدەردە كاسىپكەرلەردى كەشەندى سۇيەمەلدەۋدى قامتاماسىز ەتۋ ءتارىزدى بارلىق قىزمەتتەردى الۋعا كومەكتەسەدى دەيدى ورتالىقتى ۇيىمداستىرۋشىلار.