ءانشى ديماش قۇدايبەرگەن قىتاي ميفولوگياسىنداعى ۇلى تۇلعا «شىن-نۋڭ» تۋرالى دەرەكتى ءفيلمدى دۋبلياجدادى. قىتايلىق باق وكىلدەرى دەرەكتى ءفيلمدى دۋبلياجداۋ جۇمىسىنا ديماش قۇدايبەرگەننىڭ ارنايى شاقىرتىلعانىن جازدى, دەپ حابارلايدى Egemen.kz Kazinform-عا سىلتەمە جاساپ.
قىتايدىڭ China Media Group ورتالىق راديوسى مەن تەلەارناسى الەمگى ايگىلى ءانشى ديماش قۇدايبەرگەن دۋبلياجداعان ميفولوگيالىق كوركەم ءفيلمدى حالىق نازارىنا ۇسىندى.
«عاجايىپ شىن-نۋڭ» دەپ اتالاتىن دەرەكتى فيلمدە قىتاي ميفولوگياسىنداعى «شىن-نۋڭ» دەگەن كەيىپكەردىڭ ۇلى تۇلعا بولىپ قالىپتاسۋ تاريحى باياندالادى.
قىتاي اڭىزدارىنا قاراعاندا, «شىن-نۋڭ» العاش رەت ادامدارعا, كۇرىش, بيداي ءوسىرۋدىڭ ءونىمدى جولدارىن, كيىم تىگۋدى, شوپتەن ءدارى جاساۋدى ۇيرەتتى. «شىن-نۋڭ» اسپان استى حالقىنىڭ تۇسىنىگىندە ادامزات بالاسى وركەنيەتىنىڭ دامۋىنا باعىت-باعدار بەرگەن عاجايىپ تۇلعا.
ديماش قۇدايبەرگەن 4 مينۋتتان اساتىن دەرەكتى ءفيلمدى تولىق ءوزى قازاقشا دىبىستاپ شىققان.